ఐఫోన్ కంపెనీ యాపిల్ సీక్రెట్‌గా కారు తయారు చేస్తోందా..?

ప్రముఖ టెక్నాలజీ దిగ్గజం యాపిల్, ఇప్పుడు మొబైల్స్ వది ఆటోమొబైల్స్‌పై దృష్టి సారించినట్లు తెలుస్తోంది. తాజా సమాచారం ప్రకారం, ఐఫోన్ల తయారీ కంపెనీ యాపిల్, ఓ ఎలక్ట్రిక్ వాహనాన్ని తయారు చేస్తోందట. ఇప్పటికే, ఈ ప్రాజెక్టుపై 100 మందికి పైగా పనిచేస్తున్నట్లు కూడా వార్తలు వినిపిస్తున్నాయి.

అంతర్జాతీయ మీడియా కథనాల ప్రకారం, యాపిల్ 'టైటన్' అనే కోడ్‌నేమ్‌తో ఓ మినీవ్యాన్ లాంటి ఎలక్ట్రిక్ వాహనాన్ని అభివృద్ధి చేస్తోంది. ఎలక్ట్రిక్ వాహనాల మార్కెట్లో టెస్లాకు పోటీగా యాపిల్ ఎలక్ట్రిక్ వాహనం రానుందనే ఊహాగానాలు వినిపిస్తున్నాయి.

యాపిల్ చేపట్టిన ఈ ఎలక్ట్రిక్ వాహన ప్రాజెక్ట్ ఇన్షియల్ డిజైన్ ఓ మినీవ్యాన్‌ను తలపిస్తోందని ఈ ప్రాజెక్టుతో సంబంధం ఉన్న వ్యక్తులను ఉటంకిస్తూ వాల్ స్ట్రీట్ జర్నల్ ఓ కథనాన్ని ప్రచురించింది. దాదాపు ఏడాది క్రితమే ఓ మాజీ ఫోర్డ్ ఇంజనీర్, యాపిల్ ఎగ్జిక్యూటివ్ స్టీవ్ జాడెస్కైల ఆధ్వర్యంలో సుమారు 1000 మంది ఈ ప్రాజెక్టుపై పనిచేయటం ప్రారంభించినట్లు కూడా సదరు పత్రిక పేర్కొంది.

ఇదిలా ఉండగా.. యాపిల్ సీఈఓ స్టీవ్ జాబ్స్ 2012లో మరణించిన తర్వాత కొన్ని అతని మిత్రుడు, యాపిల్ సంస్థ బోర్డ్ సభ్యులైన మైకీ డ్రెక్స్లర్ ఓ ఆసక్తికరమైన విషయాన్ని వెల్లడించిన సంగతి తెలిసినదే. స్టీవ్ జాబ్స్ బ్రతికి ఉన్న సమయంలో తాను ఓ 'ఐకార్' (iCar)ను డిజైన్ చేయాలని కలగనేవారని డ్రెక్స్లర్ గతంలో వెల్లడించిన సంగతి తెలిసినదే.