Click it and Unblock the Notifications
స్కొడా ర్యాపిడ్ గో ఫర్ మోర్ ఆఫర్
స్కొడా ఇండియా అందిస్తున్న మిడ్-సైజ్ సెడాన్ ర్యాపిడ్ కోసం కంపెనీ మరో కొత్త ఫైనాన్స్ స్కీమ్ను ప్రకటించింది. స్కొడా ర్యాపిడ్ గో ఫర్ మోర్ పేరిట కంపెనీ ఆఫర్ను ప్రకటించింది. ఇందులో భాగంగా.. ర్యాపిడ్ సెడాన్ కొనుగోలుపై స్కొడా క్రింది ఆఫర్లను అందించనుంది:
- 4 ఏళ్ల పీరియాడిక్ మెయింటినెన్స్
- 4 ఏళ్ల (2+2) అదనపు వారంటీ
- 4 ఏళ్ల (2+2) రోడ్సైడ్ అసిస్టెన్స్
- 4 ఏళ్ల పాటు 7.99 శాతం వడ్డీ రేటు
ఈ ఆఫర్ పరిమిత కాలం మాత్రమేనని, కాకపోతే ఇది డీజిల్ ఏటి వేరియంట్లకు వర్తించదని కంపెనీ ప్రకటించింది. ఈ ఫైనాన్స్ స్కీమ్కు సంబంధించిన మరిన్ని వివరాల కోసం మీ సమీపంలోని అధీకృత స్కొడా డీలరును సంప్రదించండి.
స్కొడా ర్యాపిడ్ పెట్రోల్, డీజిల్ ఇంజన్ ఆప్షన్లతో లభిస్తుంది. పెట్రోల్ వెర్షన్లో 1.6 లీటర్ ఎమ్పిఐ పెట్రోల్ ఇంజన్ను ఉపయోగించారు. ఈ ఇంజన్ గరిష్టంగా 105 పిఎస్ల శక్తిని, 153 ఎన్ఎమ్ల టార్క్ని ఉత్పత్తి చేస్తుంది. ఇది 5-స్పీడ్ మ్యాన్యువల్ లేదా 6-స్పీడ్ ఆటోమేటిక్ ట్రాన్సిమిషన్తో లభిస్తుంది. కంపెనీ పేర్కొన్న సమాచారం ప్రకారం, మ్యాన్యువల్ వెర్షన్ లీటరుకు 15 కిలోమీటర్ల మైలేజీని, ఆటోమేటిక్ వెర్షన్ స్కొడా ర్యాపిడ్ లీటరుకు 14.3 కిలోమీటర్ల మైలేజీని ఆఫర్ చేస్తుంది.
ఇకపోతే.. డీజిల్ వెర్షన్ స్కొడా ర్యాపిడ్లోని ఈ 1.5 లీటర్ టిడిఐ ఇంజన్ను ఉపయోగించారు. ఈ ఇంజన్ గరిష్టంగా 103 హార్స్పవర్ల శక్తిని, 250 న్యూటన్ మీటర్ల టార్క్ని ఉత్పత్తి చేస్తుంది. ఇది 5-స్పీడ్ మ్యాన్యువల్, 7-స్పీడ్ డిఎస్జి ఆటోమేటిక్ ట్రాన్సిమిషన్ ఆప్షన్లతో లభ్యమవుతుంది. కంపెనీ పేర్కొన్న సమాచారం ప్రకారం, మ్యాన్యువల్ వెర్షన్ మరియు ఆటోమేటిక్ వెర్షన్లు రెండూ ఒకే రకమైన మైలేజీని (లీటరుకు 21.14 కిలోమీటర్ల మైలేజీని) ఆఫర్ చేస్తాయి.
Continue with Google