టాటా సూపర్ఏస్ మింట్ విడుదల: ధర, ఫీచర్లు, స్పెసిఫికేషన్లు

దేశీయ ఆటోమొబైల్ దిగ్గజం టాటా మోటార్స్ ఓ సరికొత్త తేలిక పాటి వాణిజ్య వాహనం (ఎల్‌సివి) పికప్‌ను విడుదల చేసింది. ఈ మోడల్‌ను 'టాటా సూపర్ఏస్ మింట్' (Tata SuperAce Mint) అని పిలువనున్నారు. పవర్, మైలేజ్, లోడ్ కెపాసిటీస్, బెటర్ డ్రైవర్/ఓనర్ మార్జిన్స్‌ని ఆఫర్ చేసేలా ఈ కొత్త ఎల్‌సివిని డిజైన్ చేసినట్లు కంపెనీ పేర్కొంది.

టాటా సూపర్ఏస్ మింట్ ధర:
భారత మార్కెట్లో టాటా సూపర్ఏస్ మింట్ ధర రూ.5.09 లక్షలు (ఎక్స్-షోరూమ్, థానే)గా ఉంది.

టాటా సూపర్ఏస్ మింట్ ఇంజన్:
ఈ ఎల్‌సివిలో 1.4 లీటర్ డైకార్ కామన్ రైల్ డీజిల్ ఇంజన్‌ను ఉపయోగించారు. ఈ ఇంజన్ గరిష్టంగా 69.01 హార్స్‌పవర్‌ల శక్తిని ఉత్పత్తి చేస్తుంది. ఇది బిఎస్4 కాలుష్య నిబంధనలను పాటిస్తుంది. టాటా సూపర్ఏస్ మింట్ పికప్ గరిష్ట వేగం గంటకు 125 కిలోమీటర్లు. ఇది లీటరుకు 17.9 కిలోమీటర్ల మైలేజీనిస్తుంది.

టాటా సూపర్ఏస్ మింట్ వారంటీ:
టాటా సూపర్ఏస్ మింట్ ఎల్‌సివి ఒక సంవత్సరం లేదా 50,000 కిలోమీటర్ల వారంటీతో లభిస్తుంది (ఏది ముందుగా ముగిస్తే అది). టాటా మోటార్స్‌కు దేశవ్యాప్తంగా ఉన్న 1,600 సర్వీస్ సెంటర్ల ఉన్నాయి.

టాటా సూపర్ఏస్ మింట్ కలర్స్:

• బ్లేజింగ్ రెడ్
• క్యాస్టల్ గ్రే
• ఆర్కిటిక్ వైట్
• మెటియర్ సిల్వర్

టాటా సూపర్ఏస్ మింట్ సేఫ్టీ:

• 3-పాయింట్ రిట్రాకబల్ సీట్ బెల్ట్స్
• 14-ఇంచ్ రేడియల్ టైర్స్
• 254 మి.మీ ఫ్రంట్ డిస్క్ బ్రేక్స్
• 54 మి.మీ రియర్ డ్రమ్ బ్రేక్స్
• సైడ్ ఇంపాక్ట్ బీమ్స్
• ఇండిపెండెంట్ సస్పెన్షన్