అక్టోబర్‌లో ఎక్కువగా అమ్మడుపోయిన టాప్ 10 బెస్ట్ కార్లు- మరి ఇందులో రెనొ క్విడ్ ఉందా?

10.హ్యుందాయ్ ఇయాన్ :

ఈ ఎంట్రీ లెవల్ హ్యాచ్‌బ్యాక్ మార్కెట్లో ఉన్న మారుతి ఆల్టో మరియు రెనొ క్విడ్‌ కార్లతో గట్టి పోటీ ని ఎదుర్కొంది. అయినప్పటికి 6,479 యూనిట్ల కార్లను అమ్మి 10 వ స్థానంలో ఉంది.

హ్యుందాయ్ ఇయాన్ ఇంజన్

హ్యుందాయ్ ఇయాన్ ఇంజన్ రెండు ఇంజన్ ఛాయిస్‌లలో లభించును

• 814సీసీ పెట్రోల్ ఇంజన్ (55బిహెచ్‌పి, 75ఎన్ఎమ్ టార్క్)
• 1.0-లీటర్ పెట్రోల్ ఇంజన్( 68బిహెచ్‌పి, 94ఎన్ఎమ్ టార్క్)

హ్యుందాయ్ ఇయాన్ యొక్క ఆన్-రోడ్ ధర దాదాపుగా రూ. 3.59 లక్షలు (విజయవాడ) గా ఉంది



9. మారుతి సుజుకి సెలెరియో :

మారుతి సుజుకి సెలెరియో ఏడవ స్థానం నుండి 9 వ స్థానానికి వచ్చింది. అయినప్పటికి 2015 అక్టోబర్ నెలలో 6,664 యూనిట్ల అమ్మకాలు జరిగాయి. అయితే సెలెరియో అమ్మకాలు ఆశాజనకంగా ఉన్నట్లు కంపెనీ ప్రతినిధులు తెలిపారు.



మారుతి సుజుకి సెలెరియో ఇంజన్:

ఇది రెండు ఇంజన్ ఛాయిస్‌లలో లభించును

• 1.0-లీటర్ పెట్రోల్ ఇంజన్( 67బిహెచ్‌పి, 90ఎన్ఎమ్ టార్క్)
• 800సీసీ డీజల్ ఇంజన్ (46బిహెచ్‌పి, 125ఎన్ఎమ్ టార్క్)

సెలెరియో యొక్క ఆన్-రోడ్ ధర దాదాపుగా రూ. 4.72 లక్షలు (విజయవాడ) గా ఉంది.



08. హోండా అమేజ్ :

హోండా కాంపాక్ట్ సెడాన్ ఎనిమిదవ స్థానాన్ని ఆక్రమించింది. జపాన్ కు చెందిన హోండా కార్ల కంపెనీ గత నెలలో 6,971 యూనిట్ల అమేజ్ వాహనాలను అమ్మింది. సెప్టెంబర్‌తో పోల్చుకుంటే అమ్మకాలు కొంచెం వృద్ది చెందాయి.



హోండా అమేజ్ ఇంజన్ :

హోండా అమేజ్ రెండు ఇంజన్ అఫ్షన్లలో అందుబాటులో ఉంది. అవి

• 1.2-లీటర్ పెట్రోల్ ఇంజన్ (87బిహెచ్‌పి, 109ఎన్ఎమ్ టార్క్ ఉత్పత్తి చేస్తుంది)
• 1.5-లీటర్ డీజల్ ఇంజన్ (99బిహెచ్‌పి, 200ఎన్ఎమ్ టార్క్)

హోండా అమేజ్ యొక్క ప్రారంభ ఆన్-రోడ్ ధర దాదాపుగా రూ. 6.20 లక్షలు (విజయవాడ)గా ఉంది.



07.హోండా సిటి :

హోండా సిటి సెడాన్ భారతీయ మార్కెట్లో 7,022 యూనిట్లు అమ్మకాలు జరిపి ఏడవ స్థానంలో ఉంది. అయితే అక్టోబర్‌ 2015 తో పోల్చుకుంటే సెప్టెంబర్ నెలలో అమ్మకాలు కొంచెం పెరిగాయి.



హోండా సిటి ఇంజన్ వివరాలు:

• 1.5-లీటర్ పెట్రోల్ ఇంజన్ (117బిహెచ్‌పి, 145ఎన్ఎమ్ టార్క్)
• 1.5-లీటర్ డీదల్ ఇంజన్ (99బిహెచ్‌పి, 200ఎన్ఎమ్ టార్క్‌ను ఉత్పత్తి చేస్తుంది.)

హోండా సిటి కారు ప్రారంభ ఆన్-రోడ్ ధర దాదాపుగా రూ. 8.90 లక్షలు (విజయవాడ)గా ఉంది



6. హ్యుందాయ్ ఎలైట్ ఐ20 :

హ్యుందాయ్ ఎలైట్ ఐ20 మార్కెట్లో గల వోక్స్‌వ్యాగన్ పోలో మరియు హోండా జాజ్ నుండి గట్టి పోటిని ఎదుర్కొంది. అయిప్పటికి సెప్టెంబర్ 2015 లో 11,019 యూనిట్ల అమ్మకాలు జరిపింది.



హ్యుందాయ్ ఎలైట్ ఐ20 ఇంజన్ వేరియంట్స్ :

• 1.2-లీటర్ పెట్రోల్ ఇంజన్ ( 82బిహెచ్‌పి, 115ఎన్ఎమ్ టార్క్)
• 1.4-లీటర్ డీజల్ ఇంజన్ ( 89బిహెచ్‌పి, 220 ఎన్ఎమ్ టార్క్)

హ్యుందాయ్ ఎలైట్ ఐ20 యొక్క ప్రారంభపు ఆన్-రోడ్ ధర రూ. 6.30 లక్షలు(విజయవాడ)గా ఉంది.



5. హ్యుందాయ్ గ్రాండ్ ఐ10 :

హ్యుందాయ్ ఉత్పత్తులలో అత్యుత్తమ అమ్మకాలు జరిపిన మోడల్ ఇదే. సెప్టెంబర్ 2015 లో ఇది 14,079 యూనిట్ల అమ్మకాలు జరిపింది.



హ్యుందాయ్ గ్రాండ్ ఐ10 ఇంజన్ వేరియంట్స్ :

• 1.2-లీటర్ పెట్రోల్ ఇంజన్ (82బిహెచ్‌పి, 114ఎన్ఎమ్ టార్క్)
• 1.1-లీటర్ డీజల్ ఇంజన్ (70బిహెచ్‌పి, 160 ఎన్ఎమ్ టార్క్)

ఇంజన్ వేరియంట్స్ యొక్క ప్రారంభపు ఆన్-రోడ్ ధర రూ. 5.60 లక్షలు(విజయవాడ)గా ఉంది.



4. మారుతి సుజుకి వ్యాగన్ ఆర్ :

మారుతి సుజుకి కి చెందిన ఈ వ్యాగన్ ఆర్ కారు గడిచిన నెలలో 14,734 అమ్మకాలు నమోదు చేసుకొని నాలుగవ స్థానంలో ఉంది.



మారుతి సుజుకి వ్యాగన్ ఆర్ ఇంజన్ అప్షన్స్ :

మారుతి సుజుకి వ్యాగన్ ఆర్ కేవలం ఒకే ఇంజన్ అప్షన్ లో లభింస్తోంది. అది 1.0-లీటర్ పెట్రోల్ ఇంజన్ 67బిహెచ్‌పి, 90ఎన్ఎమ టార్క్‌ను ఉత్పత్తి చేస్తుంది. మరియు దీని ప్రారంభపు ఆన్-రోడ్ ధర రూ. 4.60 లక్షలు(విజయవాడ)గా ఉంది.



3.మారుతి సుజుకి స్విఫ్ట్ :

మారుతి సుజుకి స్విఫ్ట్ వరుసగా మూడవ స్ఠానంలో ఉంది. గత నెలలో ఇది17,669 యూనిట్ల అమ్మకాలు జరిపింది.



మారుతి సుజుకి స్విఫ్ట్ ఇంజన్ అప్షన్స్ :

• 1.2-లీటర్ పెట్రోల్ ఇంజన్ (83బిహెచ్‌పి, 114ఎన్ఎమ్ టార్క్‌)
• 1.3-లీటర్ డీజల్ ఇంజన్ (74బిహెచ్‌పి, 190 ఎన్ఎమ్ టార్క్)

మారుతి సుజుకి స్విఫ్ట్ ప్రారంభపు ఆన్-రోడ్ ధర రూ. 5.0 లక్షలు(విజయవాడ)గా ఉంది.



2. మారుతి సుజుకి ఆల్టో :

మారుతి సుజుకి ఆల్టో సెప్టెబర 2015 కన్నా అక్టోబర్‌ నెలలో ఎక్కువ అమ్మకాలు జరిపింది. మారుతి దాదాపు 22,861 యూనిట్ల ఆల్టో కార్లను అమ్మేసింది.



మారుతి సుజుకి కేవలం ఒక ఇంజన్‌ను ఆఫర్ చేస్తోంది. అది 0.8-లీటర్ పెట్రోల్ ఇంజన్ కలదు ఇది 48బిహెచ్‌పి మరియు 69 ఎన్ఎమ్ టార్క్‌ను ఉత్పత్తి చేస్తుంది. ఆల్టో ప్రారంభపు ఆన్-రోడ్ ధర రూ.3.0 లక్షలు(విజయవాడ)గా ఉంది.



01.మారుతి స్విఫ్ట్ డిజైర్ :

ఇక్కడ రెనొ క్విడ్ ఉంటుందని అనుకున్నారు కదా ? ఈ స్విఫ్ట్ డిజైర్ ఆల్టోని పక్కకు నెట్టేసి 2015 అక్టోబర్‌లో అత్యధికంగా అమ్మకాలు జరిపిన మోడల్‌గా మొదటి స్థానాన్ని కైవసం చేసుకుంది. దాదాపుగా 24,502 యూనిట్లు డిజైర్ కార్లు అమ్మడుపోయాయి.



మారుతి స్విఫ్ట్ డిజైర్ ఇంజన్ ఆఫ్షన్స్ :

• 1.2-లీటర్ పెట్రోల్ ఇంజన్ (83బిహెచ్‌పి,115ఎన్ఎమ్ టార్క్)
• 1.3-లీటర్ డీజల్ ఇంజన్ (74బిహెచ్‌పి, 190 ఎన్ఎమ్ టార్క్)

మారుతి స్విఫ్ట్ డిజైర్ ప్రారంభపు ఆన్-రోడ్ ధర రూ.6.0 లక్షలు(విజయవాడ)గా ఉంది.



ఈ దీపావలి కోసం ఉత్తమ ఆఫర్లను ప్రకటించిన కార్లు

భారతీయ మార్కెట్లో ఉన్న ఐదు అందవిహీనమైన కార్లు