Click it and Unblock the Notifications
టొయోటా నుంచి కాంపాక్ట్ సెడాన్, కాంపాక్ట్ ఎస్యూవీ!
భారత ఆటోమొబైల్ మార్కెట్లో వేగంగా వృద్ధి చెందుతున్న కాంపాక్ట్ సెడాన్, కాంపాక్ట్ ఎస్యూవీ సెగ్మెంట్లోకి ప్రవేశించేందుకు జపనీస్ కార్ కంపెనీ టొయోటా కూడా తహతహలాడుతున్నట్లు సమాచారం. సబ్-ఫోర్ మీటర్ క్యాటగిరీలో (నాలుగు మీటర్ల కన్నా తక్కువగా ఉండే విభాగంలో) టొయోటా ఓ కాంపాక్ట్ ఎస్యూవీని, సెడాన్ను ప్రవేశపెట్టేందుకు సన్నాహాలు చేస్తోంది.
కాంపాక్ట్ ఎస్యూవీ సెగ్మెంట్లో టొయోటా నుంచి రానున్న ఉత్పత్తి, ఈ విభాగంలోని ఫోర్డ్ ఈకోస్పోర్ట్, రెనో డస్టర్ వంటి మోడళ్లకు పోటీగా నిలుస్తుంది. అలాగే, కాంపాక్ట్ సెడాన్ సెగ్మెంట్లో కంపెనీ ప్రవేశపెట్టనున్న ఉత్పత్తి ఈ విభాగంలోని స్విఫ్ట్ డిజైర్, హోండా అమేజ్, టాటా జెస్ట్, హ్యుందాయ్ ఎక్సెంట్ వంటి మోడళ్లకు పోటీగా నిలిచే ఆస్కారం ఉంటుంది.
టొయోటా ఈ రెండు ఉత్పత్తులను వచ్చే ఏడాది ఢిల్లీలో జరగబోయే 2016 ఆటో ఎక్స్పోలో ప్రదర్శనకు ఉంచే ఆస్కారం ఉంది. కాంపాక్ట్ కార్లపై (నాలుగు మీటర్ల తక్కువ పొడవు ఉండే కార్లపై) భారత ప్రభుత్వం ఆఫర్ చేస్తున్న రాయితీలను పొంది, సరసమైన ధరకే ఈ కార్లను అందించడం ద్వారా పోటీని తట్టుకోవాలని టొయోటా భావిస్తోంది.
Continue with Google