హోండా సిటి మరియు హ్యుందాయ్ వెర్నాలకు పోటిగా సరి కొత్త టయోటా వియోస్.

మొదట ఎక్కడ :

టయోటాకు చెందిన వియోస్ కారు ప్రస్తుతం అభివృద్ధి దశలో ఉంది. మొదటగా దీన్ని ఆసియా ఫసిఫిక్, థాయిలాండ్ వంటి దేశాల్లో విడుదల చేయనున్నారు. ఈ కారును 2018 జనవరికి భారత్‌లో ప్రవేశపెట్టనున్నట్లు సమాచారం.

ఇంజన్ :

టయోటా ప్రస్తుతం రెండు ఇంజన్ ముఖ్యమైన ఇంజన్‌ల మీద ఆధారపడి ఉంది. అవి 1.6-లీటర్ పెట్రోల్ మరియు 1.6-లీటర్ డీజల్ ఇంజన్. ఇక భారత్‌లో అయితే 1.4-లీటర్ డీజల్ ఇంజన్(టయోటా కర్రోలా కారులో ఉంది) మరియు 1.5-లీటర్ పెట్రోల్ ఇంజన్ (ఎటియోస్ సెడాన్‌లో ఉంది).

మలేషియాలో :

మలేషియాలో టయోటా వియోస్ 1.5-లీటర్ వివిటి-ఐ పెట్రోల్ ఇంజన్‌లో లభ్యంకానుంది మరియు ఇందులో 5-స్పీడ్ మ్యాన్యవల్ ట్రాన్స్‌మిషన్, 4-స్పీడ్ ఎలక్ట్రానిక్ కంట్రోల్ ట్రాన్స్‌మిషన్ అను రెండు వేరియంట్ల‌లో లభించనుంది.

ఇండియాలో :

టయోటా వియోస్ మలేషియాలో అందించిన ఇంజన్ ఇంజన్ వేరియంట్లలో ఇండియాలో లభ్యం కానుంది మరియు విడుదల సమయానికి ఇందులో మ్యాన్యువల్ ట్రాన్స్‌మిషన్ మాత్రమే ఉండనుంది. ఇసిటి ట్రాన్స్‌మిషన్ కోసం మరికొంత కాలం వేచి చూడాల్సి వస్తుంది.

ధర :

మలేషియాలో టయోటా వియోస్ ధర ఆర్‌యమ్ 75,000 అంటే మన ఇండియా రుపాయల్లో 13 లక్షలు. అయితే మన ఇండియాలో ఉన్న పోటికి అనుగుణంగా టయోటా వియోస్ ప్రారంభ ధర రూ. 7 లక్షలు మరియు టాప్ ఎండ్ వేరియంట్ ధర 11 లక్షల వరకు ఉండనుంది.

పోటి :

ఈ సరి కొత్త టయోటా వియోస్ ప్రస్తుతం భారత్‌లో ఉన్న మధ్యరకపు సెడాన్‍‌‌లు అయిన హోండా సిటి మరియు హ్యుందాయ్ వెర్నా‌‌‌లకు గట్టి పోటీగా నిలవనుంది. ఇది నిజమో కాదో తెలుసుకోవాలంటే అంత వరకు వేచి చూడాలి మరి.

ఫీచర్లు :

టయోటా వియోస్‌‌లో గల ఫీచర్లు ప్రస్తుతం ఎటియోస్ సెడాన్ మరియు ఎటియోస్ లివో హ్యాచ్‌బ్యాక్‌ల ఫీచర్లు అభివృద్దిపరిచి ఈ కొత్త కారులో అందివ్వనున్నారు.