Click it and Unblock the Notifications
2015లో మహీంద్రా హాలో ఎలక్ట్రిక్ స్పోర్ట్స్ కార్ వస్తుందా?
మీకు మహీంద్రా హాలో ఎలక్ట్రిక్ స్పోర్ట్స్ కార్ గుర్తుందా? మహీంద్రా గ్రూపు చెందిన ఎలక్ట్రిక్ వాహనాల తయారీ విభాగం మహీంద్రా రేవా, గడచిన 2014 ఆటో ఎక్స్పోలో ఆవిష్కరించిన ఈ 2-డోర్, 2-సీటర్ మేడ్ ఇన్ ఇండియా ఎలక్ట్రిక్ స్పోర్ట్స్ కారును ఈ ఏడాది అందుటాబులోకి గతంలో కంపెనీ పేర్కొంది.
అయితే, ప్రస్తుత పరిస్థితి గమనిస్తుంటే, ఈ మోడల్ ఉత్పత్తి గురించి కంపెనీ ఇంకా ఓ నిర్ణయానికి వచ్చినట్లు కనబటం లేదు. ఎలక్ట్రిక్ వాహనాల విషయంలో భారత ప్రభుత్వం అనుసరిస్తున్న విధివిధాలే ఈ మోడల్ విడుదలకు జాప్యం అవుతున్నట్లు తెలుస్తోంది.
మహీంద్రా హాలో కారు గురించి..
మహీంద్రా హాలో ఎలక్ట్రిక్ స్పోర్ట్స్ కారులో 105 కి.వా. (140 బిహెచ్పి)ల శక్తిని ఉత్పత్తి చేసే ఎలక్ట్రిక్ మోటార్ను ఉపయోగించారు. ఈ మోటర్ ఓ హై కెపాసిటీ బ్యాటరీ సాయంతో పనిచేస్తుంది. ఇది కేవలం 7 సెకండ్ల కన్నా తక్కువ వ్యవధిలో 0-100 కి.మీ. వేగాన్ని అందుకుంటుందట. దీని గరిష్ట వేగం గంటకు 200 కి.మీ. పైమాటే.
ఫ్యూచరిస్టిక్ డిజైన్, ఎల్ఈడి హెడ్ల్యాంప్స్, అధునాతన సాంకేతికతతో కూడిన ఇంటీరియర్స్తో ఈ కారును తీర్చిదిద్దారు. మహీంద్రా హాలో ఎలక్ట్రిక్ స్పోర్ట్స్ కారును ఇండియాతో పాటుగా పలు అంతర్జాతీయ మార్కెట్లలో కూడా విక్రయించాలని మహీంద్రా రేవా భావిస్తోంది. ఇది మనకంటే ముందుగా యూరోపియన్ మార్కెట్లో (మహీంద్రా ఈ2ఓ మాదిరిగా) విడుదలైనా ఆశ్చర్యపోవాల్సిన అవసరం లేదు.
<center><iframe width="100%" height="450" src="https://www.youtube.com/embed/YdP22aYlIDc?rel=0&showinfo=0" frameborder="0" allowfullscreen></iframe></center>
Continue with Google