2017 హ్యుందాయ్ ఎలంట్రా సేఫ్: అతి త్వరలో విడుదల

By Anil

Published: Monday, August 1, 2016, 18:27 [IST]

హ్యుందాయ్ మోటార్స్ అభివృద్ది చేస్తోన్న ఆరవ తరానికి చెందిన 2017 ఎలంట్రా త్వరలో అందుబాటులోకి రానుంది. అయితే దీనికి టాప్ సేఫ్టీ పిక్ మరియు ఇన్సూరెన్స్ ఇన్‌స్ట్యూట్ ఫర్ హైవే సేఫ్టీ అమెరికా వారి ఆధ్వర్యంలో భద్రత పరీక్షలు నిర్వహించారు. ఈ పరీక్షల్లో ఇది మంచి మార్కులే సాధించింది. దీని గురించి పూర్తి వివరాలు.....

2017 కు చెందిన ఎలంట్రా సెడాన్ కారును హ్యుందాయ్ మోటార్స్ సెప్టెంబర్‌ 2016 లో దేశీయంగా ఆవిష్కరించనుంది. మరియు అమెరికాలో దీనికంటే ముందుగా ఆవిష్కరించనున్నారు.

హ్యుందాయ్ దీనిని స్పోర్ట్స్ వేరియంట్లో ఈ ఏడాది చివరి నాటికి అందుబాటులోకి తీసుకురానుంది.

ఐదు విభాగాల్లో ఈ ఎలంట్రాకు క్రాష్ పరీక్షలు నిర్వహించారు. అన్నింటిలో కూడా మంచి ఫలితాలనే నమోదు చేసుకుంది.

క్రాష్ పరీక్షల్లో ఉన్న విభాగాలు మోడరేట్ ఓవర్‌ల్యాప్ ఫ్రంట్, సైడ్, స్మాల్ ఓవర్‌ల్యాప్ ఫ్రంట్, రూఫ్ స్ట్రెంథ్, మరియు హెడ్ రెస్ట్రైన్స్ వంటివి ఉన్నాయి.

ముందు వైపు క్రాష్ టెస్ట్‌ను గంటకు 19 కిలోమీటర్ల వేగం ఉన్నపుడు నిర్వహించగా తట్టుకోవడానికి ఇందులో ముందు వైపున క్రాష్ ప్రివెంషన్ సిస్టమ్‌ను అందించారు. తద్వారా మంచి ఫలితాలనే సాధించింది.

పాత తరం ఎలంట్రా కార్లలో క్రాష్ పరీక్షలు నిర్వహించినపుడు ప్రమాదా మూలాలు తొమ్మిది ఇంచుల వరకు క్యాబిన్‌లోనికి చొచ్చుకుని వెళ్లేవి, అయితే నూతన ఎలంట్రాలో కేవలం 2 ఇంచులు మాత్రమే ఉంది.