విపణిలోకి ఆడి ఏ4 విడుదల: ప్రారంభ ధర రూ. 38.1 లక్షలు

సరికొత్త ఆడి ఏ4 సెడాన్ ప్రారంభ ధర రూ. 38,10,000 లుగా ఎక్స్ షోరూమ్ (ఢిల్లీ)గా ఉంది. మరియు ఆడి ఏ4 ప్లస్ వేరియంట్ ధర రూ. 41,20,000 లు ఎక్స్ షోరూమ్ (ఢిల్లీ)గా ఉంది.

సరికొత్త ఆడి ఏ4 సెడాన్ లో 1.4-లీటర్ సామర్థ్యం ఉన్న టర్బో ఛార్జ్‌డ్ నాలుగు సిలిండర్ల పెట్రోల్ ఇంజన్ మాత్రమే కలదు. ఇది సుమారుగా 148బిహెచ్‌పి పవర్ మరియు 250ఎన్ఎమ్ గరిష్ట టార్క్‌ను ఉత్పత్తి చేయును.

ఆడి ఏ4 లోని శక్తివంతమైన ఇంజన్‌కు 7-స్పీడ్ ఎస్-ట్రోనిక్ ఆటోమేటిక్ గేర్‌బాక్స్‌ను అనుసంధానం చేశారు. మరియు డ్రైవర్‌ ఎంచుకునే విధంగా ఐదు విభిన్నమైన డ్రైవింగ్ మోడ్‌లను ఇందులో అందించారు.

ఐదవ తరానికి చెందిన ఏ4 సెడాన్ కేవలం 8.5 సెకండ్ల కాలంలోనే గంటకు 0 నుండి 100 కిలోమీటర్ల గరిష్ట వేగాన్ని అందుకుంటుంది. మరియు దీని గరిష్ట వేగం గంటకు 210 కిలోమీటర్లుగా ఉంది.

మునుపటి ఏ4 తో పోల్చుకుంటే ఇందులోని 1.4-లీటర్ ఇంజన్ 43 శాతం అత్యంత ప్యూయల్ ఎఫీషియంట్ ఇంజన్. ఇది లీటర్‌కు 17.48 కిలోమీటర్ల మైలేజ్ ఇవ్వగలదు.

మునుపటి ఏ4 స్థానంలోకి వచ్చిన ఈ సరికొత్త ఏ4 సెడాన్‌లో చాలా ఆకర్షణీయంగా ఉండే ఫీచర్లతో వచ్చింది. ఎల్‌ఇడి పగటి పూట వెలిగే లైట్లతో పాటుగా ఉన్న యాంగులర్ హెడ్‌ల్యాంప్స్ కలవు. ఈ రెండు హెడ్ లైట్లకు మద్యలో అతి పెద్ద హెక్సాగోనల్ ఫ్రంట్ గ్రిల్ కలదు. ఇలాంటి దానినే ఆడి ఆర్8 సూపర్ కారులో గుర్తించవచ్చు.

వెనుక వైపున స్పోర్ట్స్ తరహా ఎల్‌ఇడి టెయిల్ లైట్లను మరియు డైనమిక్ ఇండికేటర్లను అందించారు. బూట్ లిడ్ మీద చిన్న స్పాయిలర్ అందించారు. ఈ ఐదవ తరానికి చెందిన 17-అంగుళాల 5-స్పోక్ అల్లాయ్ వీల్స్ అందించారు.

ఇక ఇంటీరియర్ విషయానికి వస్తే ఇందులో ఉన్న కన్వెన్షనల్ ఇంస్ట్రుమెంట్ క్లస్టర్ స్థానంలో ఆడి యొక్క అతి పెద్ద కాక్‌పిట్ డిస్ల్పే అందించారు. ఇందులోని తాకే తెర ఇన్ఫోటైన్‌మెంట్ డిస్ల్పేలో న్యావిగేషన్ మరియు మల్టీమీడియా ఫీచర్లు ఉన్నారు.

సీటింగ్ మొత్తాన్ని మరియు ఇంటీరియర్‍‌లోని పై భాగాన్ని పూర్తిగా లెథర్‌తో ఫినిషింగే చేశారు. ముందు డ్యాష్ బోర్డ్‌లో అక్కడక్కడ కలపతో చేసిన తొడుగులు వినియోగించారు. ఏ4 లో మూడు జోన్ల క్లైమేట్ కంట్రోల్‌ సిస్టమ్‌ను అందించారు.

భద్రత పరంగా ఇందులో ఎనిమిది ఎయిర్ బ్యాగులు, టైర్ ప్రెసర్ మానిటరింగ్ సిస్టమ్, పార్కింగ్ కెమెరా, యాంటిలాక్ బ్రేకింగ్ సిస్టమ్, ఎలక్ట్రానిక్ బ్రేక్ ఫోర్స్ డిస్ట్రిబ్యూషన్ మరియు ఇతర భద్రత ఫీచర్లు ఇందులో ఉన్నాయి.

ఆడి వారి ఐదవ తరానికి చెందిన ఏ4 లగ్జర సెడాన్ ప్రస్తుతం మార్కెట్లో ఉన్న జాగ్వార్ ఎక్స్ఇ, బిఎమ్‌డబ్ల్యూ 3సిరీస్ మరియు మెర్సిడెస్ బెంజ్ సి-క్లాస్ వంటి వాటికి గట్టి పోటీని ఇవ్వనుంది. దేశ వ్యాప్తంగా ఉన్న అన్ని ఆడి అవుట్‌లెట్లలో ఇది అమ్మకాలకు అందుబాటులో ఉంది.

కారు ఇన్సూరెన్స్ కోసం ఎన్నో ఏళ్ల నుండి వినియోగదారులు దళారులను నమ్ముతూ వచ్చారు. ఈ పద్దతి ద్వారా చాలా వరకు నష్టపోతున్నారు వినియోగదారులు. ఈ ధోరణి మార్చడానికి సరికొత్త కార్ ఇన్సూరెన్స్ విధానం మార్కెట్లోకి వచ్చింది. దానికి గురించి పూర్తి వివరాలు తెలుసుకోండి.