హ్యుందాయ్, మారుతి మహీంద్రా బాటలోనే ఆడి

నోట్ల రద్దు ద్వారా కోల్పోయిన అమ్మకాలను తిరిగి సాధించడానికి ఆడి ఇండియా తమ లైనప్‌లో ఉన్న ఉత్పత్తుల మీద గరిష్టంగా రూ. 7 లక్షల వరకు డిస్కౌంట్లు ప్రకటించింది.

ఆడి లోని ఏ3, ఏ4, ఏ6, క్యూ3 మరియు క్యూ7 వేరియంట్ల మీద ఆఫర్లను ప్రకటించింది. వీటిన్నింటి మీద వేరియంట్‌ను బట్టి రెండు నుండి ఏడు లక్షల రుపాయల వరకు డిస్కౌంట్లు ఉన్నట్లు ఆడి ఇండియా ప్రకటించింది.

ఆడి లైనప్‌లో ఉన్న ఏ3 వేరియంట్ రూ. 35.30 లక్షల ధరతో అందుబాటులో ఉంది. దీని మీద గరిష్టంగా రూ. 5 లక్షల రుపాయల వరకు క్యాష్ డిస్కౌంట్ ఉంది.

అదే విధంగా ఆడి ఏ4 ధర రూ. 44.83 లక్షలుగా ఉండేది అయితే క్యాష్ డిస్కౌంట్ ఆఫర్ తర్వాత దీని ధర రూ. 37.83 లక్షలుగా ఉంది.

ఆడి లోని హై ఎండ్ మోడల్స్ అయిన ఏ6 మరియు క్యూ3 ల మీద క్యాష్ డిస్కౌంట్ ఆఫర్ల తరువాత వీటి ధరలు వరుసగా రూ. 5358 లక్షలు మరియు రూ. 33.87 లక్షలుగా ఉన్నాయి.

ఆడి ఇండియాలోని టాప్ ఎండ్ మోడల్ ఆడి క్యూ7 మీద గరిష్టంగా రెండు లక్షల రుపాయల డిస్కౌంట్‌ ప్రకటించింది. ఆఫర్ అమలు చేసిన తరువాత దీని ధర రూ. 75.98 లక్షలుగా ఉంది.

నోట్ల ద్వారా జరిగే చెల్లింపులు ఆగిపోవడంతో అమ్మకాలను పెంచుకునేందుకు ఆడి తమ కస్టమర్లకు జీరో డౌన్ పేమెంట్ మరియు ఆరు నెలల పాటు నెలసరి వాయిదా రహిత ఆఫర్‌ను అందిస్తోంది.

• వేడిని రాజేస్తున్న మారుతి సుజుకి
• ఒక్కసారిగా నుజ్జునుజ్జయిన 120 BMW కార్లు: వీడియో