వ్యవసాయ రంగంలో విప్లవానికి నాంది పలకనున్న సెల్ఫ్ డ్రైవింగ్ ట్రాక్టర్లు

న్యూ హాలెండ్ సంస్థ ప్రస్తుతం కాన్సెప్ట్ దశలో ఉన్న అటానమస్ ట్రాక్టర్‌ను మన ముందుకు తీసుకువచ్చింది. ఎన్‌హెచ్‌డ్రైవ్ ప్రేరణతో దీనిని అభివృద్ది చేశారు. అయితే చూడటానికి సాధారణ ట్రాక్టర్‌ను పోలి ఉంటుంది

ఎన్‌హెచ్‌డ్రైవ్ ట్రాక్టర్ పూర్తి స్థాయిలో అటానమస్ (డ్రైవర్ లెస్) ట్రాక్టర్. దీనిని రైతు దూరం నుండి చరవాణి, ట్యాబ్ లేదా కంప్యూటర్ డెస్క్ టాప్ నుండి నియంత్రించవచ్చు.

ఇది ముందస్తుగా సూచించిన భూ భాగం తాలూకు మ్యాప్ ద్వారా అక్కడికి చేరుకుని సూచించిన నిర్ణీత విస్తీర్ణంలో మనం అందించే కమాండింగ్ ద్వారా అన్ని పనులు చేస్తుంది.

ఈ ట్రాక్టర్ పూర్తిగా కెమెరాల ఆధారంతో పనిచేస్తుంది. అందుకోసం వెనుక వైపు రెండు మరియు ముందు వైపు రెండు కెమెరాలను అమర్చారు.

అంతే కాకుందా ఇందులో ఒక తెర కలదు, దీని ద్వారా ఈ ట్రాక్టర్‌కు సూచించిన పని ఎంత వరకు జరిగింది అనే సమాచారాన్ని స్ఫష్టంగా తెలియజేస్తుంది.

ఇందులో మరొక తెర కూడా కలదు, ఇందులో ట్రాక్టర్ ఇంజన్ వివరాలైన కీ ల గురించి, ఇంజన్ వేగం, ఫ్యూయల్ లెవల్, విత్తనాలు వేసే రేటు, దున్నే సామర్థ్యం వంటి వివరాలను తెలుసుకోవచ్చు.

దీని గురించి న్యూ హాలండ్ ట్రాక్టర్ల సంస్థ మాట్లాడుతూ పొలంలో మనం విత్తాల్సిన విత్తనాన్ని ఇదే విత్తేస్తుంది. ఇందుకు ఇందులో ఆధునిక పరిజ్ఞానాన్ని వినియోగించినట్లు తెలిపింది.

ఈ అటానమస్ డ్రైవర్ అవసరం లేని ట్రాక్టర్ వారం రోజుల పాటు, రోజుకి 24 గంటల పాటు నిరంతరాయంగా పనిచేస్తుంది.

న్యూ హాలెండ్ సంస్థ ఈ అటానమస్ ట్రాక్టర్‌ను సిఎన్‌హెచ్ ఇండస్ట్రియల్ మరియు అటానమస్ సొల్యూషన్ ఇన్‌కార్పొరేటెడ్ వారి భాగస్వామ్యంతో అభివృద్ది చేసినట్లు తెలిపారు.

దీనిని వ్యవసాయ వాహనాల సందర్శనలో ఆగష్టు 30 న ప్రదర్శించారు. డ్రైవర్ అవసరం లేని ఈ ట్రాక్టర్ ఎంతో బాగుంది కదా అయితే ఇది పూర్తి స్థాయి అందుబాటులోకి రావడానికి ఇంకా సమయం పట్టనుంది. మరిన్ని ఆటోమొబైల్ కథనాల కోసం తెలుగు డ్రైవ్‌స్పార్క్‌తో కలిసి ఉండండి .

• ఇండియాలో ఉన్న టాప్ 10 ఉత్తమ ట్రక్టర్ తయారీ సంస్థలు