2016 ఆటో ఎక్స్ పోలో గో క్రాస్ క్రాసోవర్‌ను ప్రదర్శించనున్న డాట్సన్

2016 ఆటో ఎక్స్ పోలో మన ముందుకు రానున్న గో క్రాస్ క్రాసోవర్ కారు ఇంతకు ముందు 2015 లో జరిగిన టోక్యో మోటార్ షోలో ప్రదర్శింపబడింది.

2016 సంవత్సరానికి దేశీయ మార్కెట్లోకి డాట్సన్ వారి తరపున వస్తున్న మొదటి మోడల్ కూడా ఇదే.

ప్రస్తుతం డాట్సన్ ఇండియా వారు గో హ్యాచ్‌బ్యాక్ మరియు గో ప్లస్ కాంపాక్ట్ స్టేషన్ వ్యాగన్‌లను అందుబాటులో ఉంచారు. గో క్రాస్ కారు గో హ్యాచ్‌బ్యాక్ ఆధారంతో వస్తున్నట్లు తెలిసింది. అయితే భారీ మార్పుల అనంతరం గో క్రాస్ క్రాసోవర్‌గా రూపాంతరం చెందింది.

గో క్రాస్ క్రాసోవర్‍‌లో డాట్సన్ గో హ్యాచ్‌బ్యాక్ మరియు గో ప్లస్ కారులో అందించిన ఇంజన్ ఆప్షన్‌లను అందిస్తోంది.

గో క్రాస్ కారులో 1.2-లీటర్ కెపాసిటి గల మూడు సిలిండర్ల పెట్రోల్ ఇంజన్ వచ్చే అవకాశాలు ఎక్కువగా ఉన్నాయి.

గో క్రాస్ కారులో డీజల్ ఇంజన్ అందుబాటులో లేదు మరియు డాట్సన్ వారు ఆటోమేటెడ్ మ్యాన్యువల్ ట్రాన్స్‌మిషన్ గల గేరు బాక్సును కూడా కల్పించలేదు.

డాట్సన్ ఇండియా వారి కాన్సెప్ట్ డిజైన్‌ను పోలి ఉండే విధంగా ఈ క్రాసోవర్ కారును డిజైన్ చేశారు.

ఫిబ్రవరి 3, 2016 న ఢిల్లీలో ప్రారంభం కానున్న ఆటో ఎక్స్ పో వేదిక మీద గో క్రాస్ మెరవనుంది. మరిన్ని వివరాలకు డ్రైవ్‌స్పార్క్‌తో కలిసి ఉండండి.

1. 2016 ఇండియన్ ఆటో ఎక్స్ పోలో ప్రదర్శించబడే కార్ల గురించి
2. డాట్సన్ కార్ల గురించి మీరు తెలుసుకోవాల్సిన విషయాలు
3. విమాన ప్రమాదాలలో ఏ ఒక్కరికి హాని కలగకుండా కాపాడే కొత్త టెక్నాలజీ