ఆటో ఎక్స్ పో వేదిక మీద కొలువుదీరిన ఫియట్ లీనియా 125 ఎస్

By Anil

Updated: Wednesday, February 10, 2016, 14:16 [IST]

ఫియట్ మోటార్స్ వారి ఫాస్ట్ వర్షెన్ కారుగా చెప్పుకునే లీనియా సెడాన్ నుండి లీనియో 125 ఎస్ అనే కారును ఢిల్లీలో జరిగిన 2016 ఇండియన్ ఆటో ఎక్స్ పో వేదిక మీద ప్రదర్శించారు.
మరింత చదవండి: హ్యాచ్‌బ్యాక్‌ల మసరంలోకి మూడు డోర్ల పోలో జిటిఐ కారు
ఫియట్ లీనియో 125 ఎస్ సెడాన్ కారు కొన్ని అత్యాధునిక ఫీచర్లితో వచ్చిందని తెలిపారు. ఈ ఫియట్ లీనియా 125 ఎస్ సాంకేతిక వివరాలు మరియు ఫీచర్లు గురించి క్రింది కథనం ద్వారా తెలుసుకుందాం రండి.

లీనియో 125 ఎస్ ఇంజన్ వివరాలు

ఫియట్ మోటార్స్ వారు తమ లీనియా 125 ఎస్ సెడాన్ కారులో 1.4-లీటర్ టర్బోజెట్ పెట్రోల్ ఇంజన్ కలదు. ఫియట్ వారి పుంటో అబర్త్ కారులో కూడా ఇదే ఇంజన్‌ను వినియోగించారు.

లీనియా 125 ఎస్ విడుదల చేయు పవర్

ఇందులోని అత్యంత శక్తివంతమైన ఇంజన్ 5,000 ఆర్‌పిఎమ్ వేగం వద్ద ఉన్నప్పుడు దాదాపుగా 123 బిహెచ్‌పి పవర్‌ను విడుదల చేయును.

లీనియా 125 ఎస్‌ విడుదల చేయు టార్క్

లినీయా 125 ఎస్ సెడాన్ లోని ఇంజన్ ఉత్తమ పవర్‌తో పాటు మంచి టార్క్‌ను కూడా విడుదల చేస్తుంది. ఇంజన్ 2,200 ఆర్‌పిఎమ్ వేగం వద్ద ఉన్నప్పుడు గరిష్టంగా 210 ఎన్ఎమ్ టార్క్‌ను విడుదల చేస్తుంది.

ట్రాన్స్‌మిషన్ వివరాలు

ఫియట్ మోటార్స్ వారు తమ లీనియా 125 ఎస్ సెడాన్ కారులో 5-స్పీడ్ మ్యాన్యువల్ ట్రాన్స్‌మిషన్ గల గేర్ బాక్స్‌ కల్పించారు.

డ్రైవ్

ఫియట్ లీనియా 125 ఎస్ కారులోని ఇంజన్ విడుదల చేయు పవర్ మరియు టార్క్‌ కూడా 5-స్పీడ్ మ్యాన్యువల్ ట్రాన్స్‌మిషన్ ద్వారా ముందు చక్రాలకు అందుతుంది. అనగా ఫ్రంట్ వీల్ డ్రైవ్‌ సిస్టమ్‌లో అందుబాటులో ఉంది.

డిజైన్

ఫియట్ మోటార్స్ తమ 125 ఎస్ సెడాన్ కారుని తక్కుల పనితీరును తనబరిచిన లీనియా నుండి కొన్ని ముఖ్యమైన ప్రదేశాలను సేకరించి డిజైన్ చేసింది. పై మెరుగులు అనగా గ్రిల్ సెట్, ప్లాట్‌గా డిజైన్ చేసిన ఫ్రంట్ ఎయిర్ వెంట్ స్లాట్ కొంచెం ఆకర్షణగా నిలిచాయి.

లభించు రంగులు

కార్ల తయారీదారులు తమ కార్ల ద్వారా వినియోగదారులను ఆకట్టుకోవడానికి విభిన్న రంగుల్లో అందిస్తారు. కాని ఫియట్ మోటార్స్ వారు తమ లీనియా 125 ఎస్ సెడాన్ కారును సఫ్ఫిరె బ్లూ అనే ఏకైక రంగులో అందిస్తున్నారు. అయితే ఇతర రంగులను ఇష్టపడే వారికి ఇది చేదు వార్త అని చెప్పవచ్చు.