జనవరి 28 న మార్కెట్లోకి రానున్న ఫోర్డ్ మస్టాంగ్

ఫోర్డ్ మోటార్స్ వారు తమ ఇకానిక్ మోడల్ అయిన మస్టాంగ్ కారును 2016 ఇండియన్ ఆటో ఎక్స్ పో కన్నా ముందుగానే మార్కెట్లోకి విడుదల చేయడానికి సన్నాహాలు చేస్తోంది. జనవరి 28, 2016 మన ముందుకు ఈ మస్టాంగ్ ఇకానిక్ మోడల్‌ను ఫోర్డ్ మోటార్స్ తీసుకురానుంది.

లెఫ్ట్ హ్యాండ్ డ్రైవ్‌ గల ఈ మస్టాంగ్ కారును ఫోర్డ్ 2015 లో జరిగిన షాంఘై మోటార్ షోలో ప్రదర్శించింది. అయితే భారతీయ మార్కెట్లోకి రానున్న మస్టాంగ్ కారులో 5.0-లీటర్ కెపాసిటి గల వి8 పెట్రోల్ ఇంజన్ కలదు. ఇది దాదాపుగా 429.05 బిహెచ్‌పి పవర్ మరియు 542 ఎన్ఎమ్ అత్యధిక టార్క్‌ను ఉత్పత్తి చేయును మరియు ఇది 6-స్పీడ్ మ్యాన్యువల్ మరియు ఆటోమేటిక్ ట్రాన్స్‌మిషన్‌తో అందుబాటులో ఉండనుంది.

అయితే దీనిని విడుదల చేసిన తరువాత కూడా ఆటో ఎక్స్ పోలో ప్రదర్శించనుంది. కంప్లీట్లీ బిల్ట్ యూనిట్‌ (సిబియు)తో మార్కెట్లోకి రానున్న ఈ కారు ధర దాదాపుగా రూ. 50 నుండి 55 లక్షలు ఎక్స్ షోరూమ్‌గా ఉండనుంది.