3,50,000 సివిక్ కార్లను రీకాల్ చేసిన హోండా

By Anil

Published: Saturday, October 15, 2016, 12:05 [IST]

హోండా మోటార్ కంపెనీ సుమారుగా 3,50,000 సివిక్ సెడాన్ కార్లను రీకాల్ చేసింది. అమెరికా వ్యాప్తంగా ఈ రీకాల్ చేసినట్లు అంతర్జాతీయ ప్రకటన చేసింది. పార్కింగ్ బ్రేక్‌లలో లోపం కారణంగా భారీ మొత్తంలో కార్లను వెనక్కి పిలవడం జరిగింది.

3,50,000 సివిక్ కార్లను రీకాల్ చేసిన హోండా

పార్కింగ్ బ్రేకుల్లో లోపం కారణంగా సరిగా బ్రేక్‌లు పనిచేయడం లేదని అమెరికా రీజియన్‌లో ఉన్న 2016 లో ఉత్పత్తి అయిన సివిక్ కార్లను రీకాల్ చేసినట్లు తెలిపారు.

జపాన్‌కు చెందిన కార్ల తయారీ సంస్థ హోండా తెలిపిన వివరాలు ప్రకారం, పార్కింగ్ ఎలక్ట్రిక్ బ్రేక్‌‌లను వినియోగించిన తరువాత అవి పనిచేయక పోవడం మరియు ఇంస్ట్రుమెంట్ ప్యానల్‌లో బ్రేక్ వార్నింగ్ లైట్ కూడా పనిచేయడం లేదని గుర్తించినట్లు తెలిపారు.

డ్రైవర్లు ఈ సివిక్ కార్లను వాలు తలంలో పార్కింగ్ చేసినపుడు పార్కింగ్ బ్రేక్ అప్లే కాకపోవడం వలన కార్లు కదిలే అవకాశం ఉంది.

పార్కింగ్ బ్రేక్ పనిచేయడకపోవడం వలన ఏ విధమైన ప్రమాదాలు మరియు గాయాలు నమోదు కాలేదని హోండా తెలిపింది. వారంటీ క్లెయిమ్ ద్వారా ఈ సమస్యను గుర్తించినట్లు తెలిసింది.

2016 నవంబర్‌కు క్రితం సివిక్ కార్లను కొనుగోలు చేసిన వారు తమ కార్లకు హోండా సర్వీస్ పాయింట్ ద్వారా ఏ విధమైన ఛార్జీలు లేకుండా ఉచితంగా సమస్యను క్లియర్ చేయించుకోచ్చని హోండా తమ ప్రకటనలో తెలిపింది.

ప్రస్తుతం హోండా సివిక్ వో 2.0-లీటర్ సామర్థ్యం గల 16-వాల్వ్‌ల ఐ-విటిఇసి పెట్రోల్ ఇంజన్ కలదు. ఇది సుమారుగా 156బిహెచ్‌పి పవర్ మరియు 138ఎన్ఎమ్ గరిష్ట టార్క్‌ను ఉత్పత్తి చేయును.

హోండా సివిక్‌లో 1.5-లీటర్ సామర్థ్యం గల డైరెక్ట్ ఇంజెక్షన్ టుర్బో ఛార్జ్‌డ్ పెట్రోల్ ఇంజన్ కూడా కలదు. ఇది సుమారుగా 172బిహెచ్‌పి పవర్ మరియు 162ఎన్ఎమ్ గరిష్ట టార్క్‌ను ఉత్పత్తి చేయును.