హోండా నుండి డబ్ల్యూఆర్-వి కాంపాక్ట్ ఎస్‌యువి

హోండా మోటార్స్ కథన ప్రకారం, దక్షిణ అమెరికాలో వినియోగదారుల సూచనలు మరియు సలహాల మేరకు రీసెర్చ్ చేసి ఈ డబ్ల్యూఆర్-వి ని రూపొందించినట్లు తెలిసింది.

దక్షిణ అమెరికా కస్టమర్ల అభీష్టం మేరకు జపాన్‌కు చెందిన హోండా అభివృద్ది చేసిన డబ్ల్యూఆర్-వి క్యాబిన్ స్పేస్ పరంగా అద్బుతం అని చెప్పాలి. విశాలమైన ఇంటీరియర్ దీని సొంతం.

అత్యధిక మైలేజ్ మరియు ప్రయాణ సమయంలో వాహాన్ని స్థిరంగా నియంత్రించే వ్యవస్థ అను రెండు ముఖ్యమైన అంశాలను అస్త్రంగా మలుచుకుని అభివృద్ది చేసినట్లు హోండా తెలిపింది.

హోండా మోటార్స్ ఈ డబ్ల్యూఆర్-వి ఎస్‌యువిని 2017 ప్రారంభంలో బ్రెజిల్ మార్కెట్లోకి విడుదల చేసిన అనంతరం దేశీయ విపణిలోకి ప్రవేశపెట్టనుంది.

హోండా డబ్ల్యూఆర్-వి అధునాతన ఫ్రంట్ బంపర్ కలిగి ఉంది. జాజ్ హ్యాచ్‌బ్యాక్ తో పోల్చితే విభిన్నమైన హెడ్ లైట్లు, నల్లటి తొడుగులను కలిగి ఉంది. రెండు హెడ్ ల్యాంప్స్ మధ్యలో బిఆర్-వి ఎస్‌యువి తరహా హారిజంటల్ సింగల్ క్రోమ్ స్ట్రిప్ కలదు.

హ్యాచ్‌బ్యాక్ మరియు ఎస్‌యువి లక్షణాల కలయికలో రూపొందించబడినట్లు డబ్ల్యూఆర్-వి ని ప్రక్క వైపు నుండి చూస్తే స్పష్టంగా అవగతం అవుతుంది. ప్రక్క మరియు వెనుక వైపున బాడీ అంచున ప్లాస్టిక్ క్లాడింగ్ అందించింది.

డబ్ల్యూఆర్-వి ధరను తక్కువగా ఉంచుతూన జాజ్ ఇంటీరియర్ లక్షణాలతో దీని ఇంటీరియర్ నిర్మాణం చేపట్టినట్లు హోండా తెలిపింది.

ప్రక్కవైపున ఉన్న డోర్లు దాదాపుగా హోండా జాజ్ తరహాలోనే ఉన్నాయి. మరియు వెనుక వైపున కూడా డబ్ల్యూఆర్-విలో సరికొత్త బంపర్, టెయిల్ లైట్లు మరియు నెంబర్ ప్లేట్ కలదు.

సాంకేతికంగా హోండా మోటార్స్ ఈ డబ్ల్యూఆర్-విలో 89బిహెచ్‌పి పవర్ ఉత్పత్తి చేయగల 1.2-లీటర్ ఐ-విటిఇసి బ్రియోలో వినియోగించిన పెట్రోల్ ఇంజన్ కలదు.

సిటి మరియు మొబీలియోలో వినియోగించిన 99బిహెచ్‌పి పవర్ ఉత్పత్తి చేయగల 1.5-లీటర్ సామర్థ్యం ఉన్న ఐ-డిటిఇసి డీజల్ ఇంజన్ కలదు.

ట్రాన్స్‌మిషన్ పరంగా పెట్రోల్ వేరియంట్లు 5-స్పీడ్ మ్యాన్యువల్ లేదా సివిటి గేర్‌బాక్స్ అనుసంధానంతో మరియు డీజల్ ఇంజన్ 6-స్పీడ్ మ్యాన్యువల్ ట్రాన్స్‌మిషన్ గల గేర్‌బాక్స్ అనుసంధానంతో రానున్నాయి.

• రెండు కొత్త వాహనాలను విడుదల చేయనున్న మహీంద్రా
• రెనో క్విడ్ ఏఎమ్‌టి విడుదల: ప్రారంభ ధర రూ. 4.25 లక్షలు
• ఈ నెలలో బజాజ్ క్రటోస్ విఎస్400 స్పోర్ట్స్ బైకు విడుదల