నోట్ల రద్దు కారణంతో సరికొత్త ప్లాన్‌తో సిద్దమైన హోండా కార్స్

రూ. 500, 1000 నోట్ల రద్దు నేపథ్యంలో కార్లు మరియు బైకులు అమ్మకాలు పూర్తిగా స్తంభించిపోయాయి. మోడీ నిర్ణయాన్ని నిర్ణయంతో విక్రయాలకు వాటిల్లిన సమస్యను అధిగమించేందుకు హోండా కార్స్ సరికొత్త పథకం పన్నింది.

By Anil

Published: Tuesday, November 22, 2016, 12:29 [IST]

కేంద్ర ప్రభుత్వం తీసుకున్న రూ. 500, రూ. 1000 నోట్ల చెలామణి రద్దు నిర్ణయం దేశీయం అటోమొబైల్ పరిశ్రమ మీద తీవ్ర ప్రభావం చూపుతోంది. కార్లు మరియు బైకుల అమ్మకాలు దాదాపుగా స్తంభించిపోయాయి. ఈ సమస్యను అధగమించేందుకు అనేక సంస్థలు ఇప్పటికే జీరో డౌన్ పేమెంట్‌తో తమ ఉత్పత్తులను అందుబాటులో ఉంచుతున్నాయి. వాటి దారిలోనే జపాన్‌కు చెందిన ప్రముఖ ప్యాసింజర్ కార్ల తయారీ సంస్థ ఒక కొత్త ప్రణాళికతో ముందడుగు వేసింది.

కస్టమర్లు తమ కార్లను కొనుగోలు చేయడానికి నోట్ల రద్దు అస్సలు సమస్య కాకూడదని దేశీయంగా ఉన్న హెచ్‌డిఎఫ్‌సి. ఐసిఐసిఐ మరియు యాక్సిస్ వంటి బహుళ జాతి బ్యాంకులతో చేతులు కలిపి 100 శాతం నిధులను సమకూర్చనుంది.

బ్యాంకులతో హోండా మోటార్స్ చేసుకున్న ఒప్పందం ద్వారా స్వయం ఉపాధి కల వారు మరియు ఉద్యోగం గల వారు తమ (హోండా) కార్లను ఎంచుకోవడానికి మార్గం సుగమం అయ్యింది.

ఇవే కాకుండా దేశ వ్యాప్తంగా వివిధ హోండా డీలర్లు కస్టమర్లకు ఎంచుకునే ఉత్పత్తుల ఆధారంగా ప్రత్యేకమైన వడ్డీ రేట్లను అందిస్తున్నారు.

ఎక్స్ షోరూమ్ ధర మీద బ్యాంకుల ద్వారా 100 శాతం బుణాన్ని పొందే అవకాశం కలదు, అంటే ఆన్ రోడ్ ధరలో దాదాపుగా 90 శాతం వరకు బుణం లభిస్తుంది.

ఇక ఆయా షోరూముల్లో ఉండే పాత మరియు కొత్త ఉత్పత్తుల మీద విభిన్న ఆఫర్లు కూడా ఉన్నాయి.

ఇకపై దేశ వ్యాప్తంగా జరిగే ప్రతి హోండా కారు కొనుగోలు పై నగదు రహిత చెల్లింపులను ప్రారంభించింది మరియు బ్యాంకుల ద్వారా చేసుకున్న ఒప్పందం ద్వారా ఆకర్షణీయమైన వడ్డీ రేట్లు అందుబాటులో ఉంచింది హోండా కార్స్ ఇండియా లిమిటెడ్.