క్రెటా పెట్రోల్ ఇంజన్‌కు ఆటోమేటిక్ ట్రాన్స్‌మిషన్ సొగసులద్దిన హ్యుందాయ్

‎హ్యుందాయ్ వారి కాంపాక్ట్ ఎస్‌యువి పెట్రోల్ ఇంజన్ మరియు ఆటోమేటిక్ వేరియంట్ ధర రూ. 13.48 లక్షలు ఎక్స్ షోరూమ్ (ముంబాయ్) గా ఉంది.

ప్రస్తుతం హ్యుందాయ్ వారి పెట్రోల్ ఆటోమేటిక్ వేరియంట్ కేవలం ఎస్ఎక్స్ + ట్రిమ్ వేరియంట్లో మాత్రమే అందుబాటులో ఉంది.

ప్రస్తుతం దీనికి సంభందించి బుకింగ్స్ దేశ వ్యాప్తంగా ఉన్న హ్యుందాయ్ డీలర్ల వద్ద అందు్బాటులో ఉన్నాయి. ఈ వేరియంట్‌ను రూ. 25,000 లతో బుక్ చేసుకోవచ్చు.

హ్యుందాయ్ మోటార్స్ వారు ఇంకా దీనికి సంభందించి ధరలను తమ అధికారిక వైబ్‌సైట్ మీద అందివ్వలేదు.

ఇందులో ఇంజన్ పరంగా 1.6-లీటర్ కెపసిటి గల నాలుగు సిలిండర్ల పెట్రోల్ ఇంజన్ కలదు.

ఈ ఇంజన్ సుమారుగా 122 బిహెచ్‌పి పవర్ మరియు 154 ఎన్ఎమ్ గరిష్ట టార్క్‌ను ఉత్పత్తి చేస్తుంది.

ట్రాన్స్‌మిషన్ పరంగా ఇందులో హ్యుందాయ్ మోటార్స్ 6-స్పీడ్ ఆటోమేటిక్ ట్రాన్స్‌మిషన్‌ను అందించారు.

ప్రారంభంలో హ్యుందాయ్ మోటార్స్ ఈ 6-స్పీడ్ ఆటోమేటిక్ ట్రాన్స్‌‌మిషన్‌ను కేవలం డీజల్ వేరియంట్లో మాత్రమే అందించింది.