మార్కెట్‌ నుండి క్రెటా పెట్రోల్ వేరియంట్‌ను తొలగిస్తున్న హ్యుందాయ్

హ్యుందాయ్ మోటార్స్ వారి క్రెటా ఎస్‌యువిలోని ఎస్ వేరియంట్‌ను మార్కెట్ నుండి అదే విధంగా తమ అధికారిక వెబ్‌సైట్ నుండి కూడా తొలగిస్తోంది.

ఈ ఎస్ వేరియంట్ పెట్రోల్ క్రెటా ను మార్కెట్ నుండి తొలగించడానికి కారణం ఇ ప్లస్ వేరియంట్‌ను అందుబాటులోకి తీసుకురావడం అని తెలిసింది. అది కూడా దానిని కేవలం 9.99 లక్షలు ఎక్స్ షోరూమ్ (ఢిల్లీ)గా నిర్ణయించింది.

ప్రస్తుతం క్రెటా పెట్రోల్ లైనప్‌లో ఇ, ఇ ప్లస్, ఎస్ఎక్స్ ప్లస్, ఎస్ఎక్స్ ప్లస్ స్పెషల్ ఎడిషన్ మరియు ఎస్ఎక్స్ ప్లస్ ఆటోమేటిక్ వేరియంట్లు అందుబాటులో ఉన్నాయి.

పెట్రోల్ క్రెటాలో 1.6-లీటర్ సామర్థ్యం గల పెట్రోల్ ఇంజన్ కలదు, ఇది సుమారుగా 122బిహెచ్‌పి పవర్ మరియు 154ఎన్ఎమ్ గరిష్ట టార్క్‌ను ఉత్పత్తి చేయును.

ఇందులోని ఇంజన్‌కు 5-స్పీడ్ మ్యాన్యువల్ లేదా 6-స్పీడ్ ఆటోమేటిక్ ట్రాన్స్‌మిషన్ గల గేర్‌బాక్స్ అనుసంధానం చేసారు. పెట్రోల్ వేరియంట్ క్రెటా లీటర్‌కు 15.29కిలోమీర్ల మైలేజ్ ఇవ్వగలదు.

పెట్రోల్ లైనప్‌ నుండి వైదొలగిన క్రెటా ఎస్ పెట్రోల్ వేరియంట్ యథావిధిగా డీజల్ లైనప్‌లో అందుబాటులో ఉంది. డీజల్ క్రెటాలో 1.4-లీటర్ మరియు 1.6-లీటర్ ఇంజన్ ఆప్షన్‌లతో అందుబాటులో ఉంది. ఇందులోని ఇంజన్‌లు వరసగా 89బిహెచ్‌పి మరియు 126బిహెచ్‌పి పవర్‌ ఉత్పత్తి చేయును.

డీజల్ వేరియంట్ క్రెటా ఎస్‌యువిలు 6-స్పీడ్ మ్యాన్యువల్ మరియు 6-స్పీడ్ ఆటోమేటిక్ ట్రాన్స్‌మిషన్ గల గేర్‌బాక్స్‌లతో అనుసంధానమై ఉన్నాయి.

క్రెటా లోని 1.4-లీటర్ ఇంజన్ లీటర్‌కు 21.38 కిలోమీటర్లు, 1.6-లీటర్ ఇంజన్ లీటర్‌కు 19.67కిలోమీటర్లు మరియు ఆటోమేటిక్ వేరియంట్ ఇంజన్ లీటర్‌కు 17.01 కిలోమీటర్ల మైలేజ్ ఇవ్వగలదు.