70 లక్షల కార్లతో రికార్డు సృష్టించిన హ్యుందాయ్ మోటార్స్

హ్యుందాయ్ మోటార్స్ చెన్నైలోని తమ ప్రొడక్షన్ ప్లాంటులో 70 లక్షల "వ" కారును ఉత్పత్తి చేసింది. దేశీయంగా అత్యధిక విక్రయాలు జరుపుతున్న వాటిలో రెండవ స్థానంలో హ్యుందాయ్ నిలిచింది.

By Anil

Published: Tuesday, November 22, 2016, 11:14 [IST]

భారత దేశపు రెండవ అతి పెద్ద దిగ్గజ కార్ల తయారీ సంస్థగా హ్యుందాయ్ మరో సారి నిరూపించుకుంది. దేశీయంగా కార్యకలాపాలు ప్రారంభించినప్పటి నుండి ఇప్పటి వరకు ఏకంగా 70 లక్షల కార్లను ఉత్పత్తి చేసి తన సత్తాను చాటుకుంది.

హ్యుందాయ్ మోటార్స్ దేశీయంగా ఉత్పత్తిన చేసిన కార్ల సంఖ్య 70 లక్షలకు చేరింది. 70 లక్షల స్థానంలో క్రెటా చోటు సంపాదించింది.

నవంబర్ 21, 2016 న తమిళనాడులో చెన్నైకి సమీపంలో ఉన్న శ్రీపెరంబదూరు ప్రొడక్షన్ ప్లాంటులో ఈ క్రెటా ఎస్‌యువిని విడుదల చేశారు. ఈ కార్యక్రమంలో హ్యుందాయ్ మోటార్ ఇండియా లిమిటెడ్ మేనేజింగ్ డైరెక్టర్ వై.కె. కూ మరియు ప్రొడక్షన్ హెడ్ గణేశ్ మణి పాల్గొన్నారు.

హ్యుందాయ్ మోటార్స్ ప్రస్తుతం దేశీయ అమ్మకాల్లో రెండవ స్థానంలో మరియు ఎగుమతుల్లో మొదటి స్థానంలో ఉంది.

ప్రారంభమైన అతి తక్కువ కాలంలోనే 70 లక్షల కార్లను ఉత్పత్తి చేసిన ఘనత హ్యందాయ్ కి మాత్రమే తగ్గింది. ఇప్పటి వరకు కేవలం 18 ఏళ్లలో ఈ విధమైన ఉత్పత్తిని ఏ సంస్థ అందుకోలేకపోయింది.