2016 ఇండియన్ ఆటో ఎక్స్ పోలో ప్రదర్శనకు రానున్న జాగ్వార్ ఎక్స్‌ఇ

By Anil

Published: Wednesday, January 13, 2016, 17:34 [IST]

ఫిబ్రవరి 3, 2016 నుండి ప్రారంభం కానున్న ఇండియన్ ఆటో ఎక్స్ పో లో జాగ్వార్ తమ ఎక్స్‌ఇ సెడాన్ కారును ప్రదర్శించనుంది.

జాగ్వార్ 2016 ఇండియన్ ఆటో ఎక్స్ పోలో ప్రదర్శించనున్న ఎక్స్ఇ సెడాన్ కారు 2.0-లీటర్ కెపాసిటి గల నాలుగు సిలిండర్ల పెట్రోల్ ఇంజన్‌లో అందుబాటులో ఉండనుంది. ఇది దాదాపుగా 197 బిహెచ్‌పి పవర్ మరియు 320 ఎన్ఎమ్ అత్యధిక టార్క్‌ను ఉత్తత్తి చేయగలదు ఇది కేవలం 7.7 సెకండ్ల వ్యవధిలోనే గంటకు 100 కిలోమీటర్ల వేగాన్ని చేరుకుంటుంది.

ఈ ఎక్స్ఇ సెడాన్ కారులో మరొక ఇంజన్ అందుబాటులో ఉండనుంది ఇది దాదాపుగా 237 బిహెచ్‍‌పి పవర్ మరియు 340 ఎన్ఎమ్ అత్యధిక టార్క్‌ను ఉత్పత్తి చేస్తుంది. ఇది కేవలం 6.8 సెకండ్ల కాలంలోనే గంటకు 100 కిలోమీటర్ల వేగాన్ని చేరుకుంటుంది. రెండు వేరియంట్లలో కూడా గంటకు 250 కిలోమీటర్ల అత్యధిక వేగాన్ని అందించే 8-స్పీడ్ ఆటోమేటిక్ గేర్ బాక్స్ కలదు.