బ్యాన్ దెబ్బకు 17 సంస్థలకు చెందిన 63 కార్లకు అక్కడ ప్రవేశం లేదు

By Anil

Published: Monday, May 30, 2016, 11:41 [IST]

టెక్నాలజీ అభివృద్దిలో భాగంగా జరిగే ఎన్నో పరిణామాలకు ప్రతీకగా మన ఊహించని విధంగా ఎదుగుతోన్న మహమ్మారి కాలుష్యం. ఒక్క రకమైన పరిశ్రమను బట్టి కాలుష్యం అనేది వివిధ రకాల వనరులను నాశనం చేస్తోంది. అందులో ప్రతి ఒక్కరి జీవనానికి ఉపయోగపడే గాలి అన్నింటి కన్నా ఎక్కువ స్థాయిలో కాలుష్యానికి గురిఅవుతోంది.

ప్రపంచ వ్యాప్తంగా వాహనాల ద్వారా జరిగే కాలుష్యం ఎక్కువ శాతం ఉంది. దీని నివారణ పరంగా ప్రపంచ దేశాలు విఫలం చెందుతూనే ఉన్నాయి. అయితే దీనిని సీరియస్‌గా తీసుకున్న సుప్రీమ్ కోర్టు ఢిల్లీ నగరాన్ని వాయు కాలుష్యం నుండి ప్రక్షాళన చేయడానికి ఢిల్లీ మరియు దీని పరిధిలో 2000 సీసీ కన్నా ఎక్కువ సామర్థ్యం ఉన్న డీజల్ వాహనాల అమ్మకాలను పూర్తి నిషేధించింది. ఎక్కువ కాలుష్య కారకాలుగా ఉన్న 2000 సీసీ కన్నా ఎక్కువ సామర్థ్యం ఉన్న వాహనాల రిజిస్ట్రేషన్‌లను ఆపేస్తే కాలుష్యం కొంత మేర తగ్గే అవకాశాలు ఉన్నాయని గత ఏడాది డిసెంబర్‌లో నిర్ణయం తీసుకుంది. అయితే దీనికి మార్చి 31, 2016 వరకు ఉన్నప్పటికీ తిరిగి ఈ నిషేధాన్ని కొనసాగిస్తున్నట్లు తెలిపింది.

సుప్రీమ్ కోర్టు నిర్ణయానికి సుమారుగా 17 సంస్థలకు చెందిన 63 కార్లు నిషేధించబడ్డాయి. ఈ నిర్ణయానికి 10,000 కార్ల అమ్మకాలకు గండి పడింది. నిషేధంలో ఉన్న కార్లు మరియు ఎస్‌యువిలను క్రింది కథనం ద్వారా చూద్దాం రండి.