ఇ-వెరిటో ఎలక్ట్రిక్ సెడాన్ కారును విడుదల చేసిన మహీంద్రా

By Anil

Published: Thursday, June 2, 2016, 18:52 [IST]

మహీంద్రా అండ్ మహీంద్రా ఇండియన్ మార్కెట్లోకి తమ రెండవ ఎలక్ట్రిక్ కారు ఇ-వెరిటోను ఇండియన్ మార్కెట్లోకి విడుదల చేసింది. ఎలక్ట్రిక్ వెర్షన్‌లో విడుదలైన వెరిటో సెడాన్ కారు యొక్క ప్రారంభ ధర రూ. 9.50 లక్షలు ఎక్స్ షోరూమ్ (ఢిల్లీ)గా ప్రకటించింది. మహీంద్రా ఇ-వెరిటో సెడాన్ విడుదల వివరాలు క్రింది కథనంలో.....

ఇ-వెరియటో ను ఎలక్ట్రిక్ కారును విడుదల చేసిన మహీంద్రా

మహీంద్రా అండ్ మహీంద్రా ఇ-వెరిటో ఎలక్ట్రిక్ సెడాన్ కారును మూడు విభిన్న వేరియంట్లలో విడుదల చేసింది. అవి,

ఇ -వెరిటో D2
ఇ -వెరిటో D4
ఇ -వెరిటో D6

మహీంద్రా ఇ-వెరిటో ధరలు

ఇ -వెరిటో D2 ధర రూ. 9.50 లక్షలు
ఇ -వెరిటో D4 ధర రూ. 9.75 లక్షలు
ఇ -వెరిటో D6 ధర రూ. 10 లక్షలు

అన్ని ధరలు ఎక్స్ షోరూమ్ ఢిల్లీగా ఉన్నాయి.

మహీంద్రా ఇ-వెరిటో సాంకేతిక వివరాలు

మహీంద్రా అండ్ మహీంద్రా ఈ వెరిటో ఎలక్ట్రక్ సెడాన్‌లో తమ మొదటి ఎలక్ట్రిక్ కారు రెవాలో అందించిన అదే ఇండక్షన్ మోటార్‌ను అందించారు.

ఇ-వెరిటో లోని మోటార్

మహీంద్రా ఇ-వెరిటో సెడాన్ కారులో 72 వాట్ కెపాసిటి గల 3-స్టేజ్ ఆల్ట్రనేటివ్ కరెంట్ (AC) ఇండక్షన్ మోటార్ కలదు.

పవర్ మరియు టార్క్

మహీంద్రా ఈ ఇ-వెరిటోలో అందించిన ఎలక్ట్రిక్ మోటార్ 40 బిహెచ్‍‌‌పి పవర్ మరియు 91 ఎన్ఎమ్ గరిష్ట టార్క్‌ను ఉత్పత్తి చేస్తుంది.

ట్రాన్స్‌మిషన్

ఇ-వెరిటో లోని ఎలక్ట్రిక్ మోటార్‌కు 1-స్పీడ్ ఆటోమేటిక్ ట్రాన్స్‌మిషన్‌ను అనుసంధానం చేశారు.

వేగం

మహీంద్రా ఇ-వెరిటో ఎలక్ట్రిక్ సెడాన్ కారు యొక్క గరిష్ట వేగం గంటకు 86 కిలోమీటర్లుగా ఉంది.

మైలేజ్

మహీంద్రా ఇ-వెరిటో ఎలక్ట్రిక్ సెడాన్ కారును ఒక్కసారి ఫుల్ ఛార్జి చేస్తే సుమరుగా 110 కిలోమీటర్లు వరకు ప్రయాణిస్తుంది.

చార్జింగ్ సమయం

ఇ-వెరిటోలోని బ్యాటరీలను పూర్తిగా చార్జ్ చేయడానికి మొత్తం ఎనిమిది గంటల సమయం తీసుకుంటుంది. మహీంద్రా ఇ-వెరిటో టాప్ ఎండ్ వేరియంట్‌లో వేగంగా ఛార్జింగ్ అయ్యేందుకు అవకాశం కల్పించారు. దీని ద్వారా కేవలం 1 గంట 45 నిమిషాల్లోనే 80 శాతం ఛార్జింగ్ పూర్తవుతుంది.

మహీంద్రా ఇ-వెరిటో డిజైన్

మహీంద్రా ఇ-వెరిటో సాధారణ వెరిటో డిజైన్ పోలి ఉంటుంది. అయితే ఈ ఇ-వెరిటోలో మనం ఎగ్జాస్ట్ పైప్ (పొగ గొట్టాన్ని గుర్తించలేము.

మహీంద్రా ఇ-వెరిటో లోని ఫీచర్లు

మహీంద్రా ఇ-వెరిటో లో ప్రయాణిస్తున్నపుడు లో ఛార్జింగ్ అనే అలర్ట్ గమనించినపుడు రివైవ్ అనే ఫంక్షన్‌ను వినియోగించుకుంటే అదనంగా ఎనిమిది కిలోమీటర్ల పాటు ప్రయాణించవచ్చు.

బ్రేక్ ఫోర్స్‌ ద్వారా బ్యాటరీ ఛార్జింగ్

ఇ-వెరిటో కారులో ప్రయాణిస్తున్నపుడు బ్రేకులను ఉపయోగిస్తే, బ్రేకుల ద్వారా ఉత్పత్తి అయ్యే శక్తితో బ్యాటరీ ఛార్జింగ్ అయ్యే అవకాశాన్ని ఇందులో అందించారు.

కిలోమీటర్‌కు 1.15 రుపాయలు మాత్రమే

మహీంద్రా వారి ఇ-వెరిటో లో ప్రయాణిస్తే కిలోమీటర్‌కు అయ్యే ఖర్చు కేవలం రూపాయి 15 పైసలు మాత్రమే మరియు దీని ద్వారా ఎలాంటి వాతావరణ కాలుష్యం కూడా ఉండదు.

అందుబాటులోకి

ప్రస్తుతం మహీంద్రా అండ్ మహీంద్రా ఈ ఇ-వెరిటో ఎలక్ట్రిక్ సెడాన్ కార్లను కేవలం ఢిల్లీ నగరంలో మాత్రమే అందుబాటులోకి తీసుకు వస్తోంది. త్వరలో దేశ వ్యాప్తంగా ఉన్న ముంబాయ్, బెంగళూరు, హైద్రాబాద్, చెన్నై, పూనే, జైపూర్ మరియు నాగ్‌పూర్ వంటి నగరాలలో అందుబాటులోకి తీసుకురానుంది.