నువోస్పోర్ట్ మీద భారీ ఆఫర్లు ప్రకటించిన మహీంద్రా

By Anil

Published: Saturday, August 27, 2016, 11:24 [IST]

మహీంద్రా అండ్ మహీంద్రా ఈ ఏడాది ఏప్రిల్‌లో విడుదల చేసిన కొత్త ఎస్‌యువి నువోస్పోర్ట్ మీద ఆఫర్లు మరియు డిస్కౌంట్లు ప్రకటించింది. నువోస్పోర్ట్ మీద ఆఫర్లు, డిస్కౌంట్లు, దాని సాంకేతిక వివరాలు మరియు తెలుగు రాష్ట్రాల్లో దీని ఆన్ రోడ్ ధరల గురించి క్రింది కథనంలో తెలుసుకుందాం రండి.

మహీంద్రా లేటెస్ట్ ఎస్‌యువి మీద భారీ ఆఫర్లు

మహీంద్రా వారు కేవలం తమ నువోస్పోర్ట్ ఎస్‌యువి మాత్రమే గరిష్టంగా 57,000 రుపాయల వరకు అఫర్లు ప్రకటించారు మరియు ఈ ఆఫర్లకు చివరి రోజు ఆగష్టు31 తేది.

మొత్తం ఆఫర్లు పొడగింపబడిన వారంటీ, రోడ్ సైడ్ అసిస్టెన్స్ స్కీమ్, యాక్సిడెండ్ ఇన్సూరెన్స్ లాభాలు, తక్కువ బుణ వడ్డీ రేట్లు గల ఆఫర్లు మరియు అదనపు యాక్ససరీలతో కలుపుకొని మొత్తం 57,000 రుపాయలుగా వినియోగదారులకు ఆఫర్లు ప్రకటించారు.

నువోస్పోర్ట్ మీద తయారీదారుడు మాత్రమే కాకుండా డీలర్లు కూడా ఆఫర్లు ప్రకటించారు. సుమారుగా 15,000 నుండి 35,000 రుపాయల వరకు క్యాష్ డిస్కౌంట్లు ప్రకటించారు.

నువోస్పోర్ట్ వాహనం మొత్తం ధరలో 90 శాతం వరకు ఫైనాన్స్ ద్వారా కొనుగోలు చేసేందుకు సహాయం చేస్తున్నారు.

మహీంద్రా లైనప్‌లో ఉన్న క్వాంటో ఎస్‌యువి స్థానాన్ని భర్తీ చేస్తూ వచ్చిన లేటెస్ట్ ఎస్‌యువి ఇది. మహీంద్రా వద్ద ఉన్న రెండు సబ్ నాలుగు మీటర్ల ఎస్‌యువిలలో ఇది ఒకటి. మరొకటి టియువి300.