మారుతి సుజుకి ఒక్క రోజులో రికార్డు స్థాయిలో డెలివరీ

దసరా సందర్భంగా దేశవ్యాప్తంగా ఉన్న మారుతి సుజుకి డీలర్లు కేవలం ఒక్క రోజులేనే రికార్డు స్థాయిలో 30,000 కార్లును డెలివరీ ఇచ్చారు.

By Anil

Published: Saturday, October 29, 2016, 15:31 [IST]

భారత దేశంలో 2016 పండుగ సీజన్‌లో మారుతి పంట పండిందని చెప్పవచ్చు. కొన్ని పదుల సంఖ్యలో కార్ల తయారీ సంస్థలు ఉన్నప్పటికీ మంచి అమ్మకాలు సాధించింది. కేవలం ఒక్క రోజులోనే ఏకంగా 30,000 కార్లను డెలివరీ ఇచ్చింది. మారుతి సుజుకి చరిత్రలో ఇదే ప్రథమం. ఈ 2016 పండుగ సీజన్‌ సందర్బంగా ఊహించని రీతిలో విశేష స్పందన లభించిందని మారుతి తెలిపింది.

దీపావళి మరియు దసరా సందర్బంగా వాహనాల కొనుగోళ్లు బాగ పుంజుకున్నాయి. కొన్ని సంస్థలు తమ అదృష్టాన్ని పరీక్షించుకుంటుంటే మరి కొన్ని సంస్థలు భారీ అమ్మకాలను నమోదు చేసుకుంటున్నాయి.

గడిచిన సెప్టెంబర్ 2016 లో దేశవ్యాప్తంగా 2,74,659 కార్లు అమ్ముడుపోయాయి. అందులో మారుతి సుజుకి ఏకంగా 1,32,321 కార్లను విక్రయించింది.

అన్ని సెగ్మెంట్లో అన్ని ఉత్పత్తులకు పోటీ ఉన్నప్పటికీ మారుతి సుజుకిని మరే ఇతర సంస్థలు కూడా ఈ స్థాయిలో విజయాన్ని అందుకోలేకపోయాయి.

మారుతి సుజుకి తాజాగ అందుబాటులోకి తెచ్చిన వితారా బ్రిజా మరియు బాలెనొ ప్రీమియమ్ హ్యాచ్‌బ్యాక్ కార్లు ఫోర్ట్ పోలియోలో మంచి ఫలితాలను నమోదు చేశాయి.

దేశ వ్యాప్తంగా ఉన్న మారుతి డీలర్ల వద్ద బుకింగ్స్ జోరు పెరగడం వలన ఈ రెండు ఉత్పత్తులకు వెయిటింగ్ పీరియడ్ అధికంగా ఉంది.

ఈ ఏడాది పండుగ సీజన్‌లో కేవలం మారుతి సుజుకి మాత్రమే కాదు, ప్రతి కార్ల తయారీ మరియు ద్విచక్ర వాహనాల తయారీ సంస్థలు అమ్మకాల్లో వృద్దిని నమోదు చేసుకున్నాయి.