ఒక్క సెప్టెంబర్‌లోనే 29.4 శాతం వృద్దిని నమోదు చేసిన మారుతి సుజుకి

మారుతి గడిచిన సెప్టెంబర్ 2016 ఏడాదిలో 1,37,321 యూనిట్ల అమ్మకాలు నమోదు చేసుకుంది. ఇదే నెల గత ఏడాదిలో అమ్మకాలు గమనిస్తే 1,06,083 యూనిట్లుగా ఉన్నాయి.

ఈ ఏడాది జూలైలో కూడా మంచి అమ్మకాలు సాధించింది. జూలై 2016 లో 1,25,778 యూనిట్ల అమ్మకాలు నమోదయ్యాయి.

ప్రస్తుతం ఉన్న అవకాశాలు దృష్ట్యా మారుతి ఈ ఆర్థిక సంవత్సరంలో రెండంకెల వృద్దిని సాధిస్తుందని నమ్మకం వ్యక్తం చేసింది మారుతి సుజుకి.

దేశవ్యాప్తంగా వినియోగదారులు మారుతిలోని విభిన్నమైన ఉత్పత్తులన్నింటిని ఎంచుకుంటున్నారు. అమ్మకాల్లో వృద్దిని సాధించిన ఉత్పత్తుల్లో సియాజ్, బాలెనొ, వితారా బ్రిజా మరియు ఎస్-క్రాస్ లు ఉన్నాయి.

అంతే కాకుండా చిన్న ఉత్పత్తులైన ఆల్టో మరియు వ్యాగన్ ఆర్ లు గడిచిన సెప్టెంబర్‌లో 44,395 యూనిట్లు అమ్ముడయ్యాయి. గత ఏడాది సెప్టెంబర్‌లో 35,570 యూనిట్లు అమ్ముడయ్యాయి.

ఈ రెండు ఉత్పత్తుల అమ్మకాల ద్వారా ఏకంగా 24.8 శాతం వృద్ది ఎగబాకింది.

కాంపాక్ట్ సెగ్మెంట్లో ఉన్న స్విఫ్ట్, రిట్జ్, సెలెరియో, బాలెనొ మరియు డిజైర్ ఉత్పత్తులు 50,324 యూనిట్ల వరకు అమ్ముడయ్యాయి. గత ఏడాది ఇదే నెలలో ఈ ఉత్పత్తులు 44,826 వరకు అమ్ముడయ్యాయి. వీటి పరంగా 123 వృద్ది సాధ్యమైంది.

మారుతి లోని యుటిలిటి వాహనాలైన జిప్సీ, ఎస్-క్రాస్, వితారా బ్రిజా మరియు ఎర్టిగా అమ్మకాలు 18,423 యూనిట్లుగా నమోదయ్యాయి. గత ఏడాది ఇదే కాలానికి 6,331 యూనిట్లుగా ఉండేది.

191 వృద్దిని సాధించి యుటిలిటి వాహనాల అమ్మకాల్లో భారీ వృద్దిని దక్కించుకుంది మారుతి సుజుకి.

• అద్భుతమైన ధరతో విడుదలైన భారతదేశపు మొట్టమొదటి ఎలక్ట్రిక్ బైక్
• ఇగ్నిస్ కోసం మార్గం సుగమం చేసిన మారుతి రిట్జ్
• అన్నీ సిద్దం చేసుకున్న సుజుకి ఇక సంచలనాలే