ఇగ్నిస్ కాంపాక్ట్ క్రాసోవర్ ను ప్రదర్శించిన మారుతి సుజుకి

డిజైన్

మారుతి సుజుకి వారి ఇగ్నిస్ కారు డిజైన్ 2015 జెనీవా మోటార్ షోలో ప్రదర్శించిన ఐఎమ్-4 కాన్సెప్ట్ మోడల్ డిజైన్‌ను పోలి ఉంటుంది. ఇది చూడటానికి ముందు వైపు ఎస్‌యువి వంటి డిజైన్ కలిగి ఉంటుంది మరియు చిన్న ఎస్‌యువిని పోలి ఉంటుంది.

ఇగ్నిస్‌లోని ఇంజన్ వివరాలు

మారుతి సుజుకి తమ ఇగ్నిస్ కారును రెండు ఇంజన్ రకాలలో అందివ్వనుంది. పెట్రోల్ ఇంజన్‌ను స్విఫ్ట్ హ్యాచ్‌బ్యాక్ కారు నుండి గ్రహించి మరియు 1.3-లీటర్ డీజల్ ఇంజన్‌ను ఫియట్ సంస్థ నుండి సేకరించనుంది.

పవర్

• 1.2-లీటర్ పెట్రోల్ ఇంజన్ 6000 ఆర్‌పిఎమ్ వద్ద 83 బిహెచ్‌పి పవర్
• 1.3-లీటర్ డీజల్ ఇంజన్ 4,000 ఆర్‌పిఎమ్ వద్ద 74 బిహెచ్‌పి పవర్ ను ఉత్పత్తి చేస్తాయి.



టార్క్

పెట్రోల్ ఇంజన్ 4,000 ఆర్‌పిఎమ్ వద్ద 115 ఎన్ఎమ్ అత్యధిక టార్క్

డీజల్ ఇంజన్ 2,000 ఆర్‌పిఎమ్ వద్ద 190 ఎన్ఎమ్ గరిష్ట టార్క్‌ను విడుదల చేయును.



మైలేజ్ (ఇంధన సామర్థ్యం)

• పెట్రోల్ ఇంజన్: లీటర్‌కు20.4 కిలోమీటర్లు
• డీజల్ ఇంజన్: లీటర్‌కు 25.2 కిలోమీటర్లు



అందుబాటులోకి

మారుతి సుజుకి వారు ఈ ఇగ్నిస్ కాంపాక్ట్ క్రాసోవర్‌ను దసరా, దీపావళి పండుగ సీజన్ మధ్యలో మార్కెట్లోకి విడుదల చేయనున్నారు.



నెక్సా షోరూమ్ నుండి

మారుతి సుజుకి తమ నెక్సా షోరూమ్ నుండి ఈ ఇగ్నిస్ క్రాసోవర్‌ను అందివ్వనున్నారు. దీని ద్వారా నెక్సా షోరూమ్ నుండి మారుతి సుజుకి వారి మూడు మోడళ్లు అందుబాటులో ఉండనున్నాయి.



ఇగ్నిస్ ధర

మారుతి సుజుకి వారి సరికొత్త కాంపాక్ట్ క్రాసోవర్ ఇగ్నిస్ ధర దాదాపుగా రూ. 4 నుండి 6 లక్షల మధ్య ఉండనుంది.



పోటి

మారుతి సుజుకి తమ కాంపాక్ట్ క్రాసోవర్‌ను మార్కెట్లోకి విడుదల చేసినట్లయితే, ప్రస్తుతం మార్కెట్లో ఉన్న మహీంద్రా కెయువి100 మరియు హ్యుందాయ్ గ్రాండ్ ఐ10 వంటి మోడళ్లకు పోటిగా నిలవనుంది.



• మారుతి సుజుకి సరికొత్త వితారా బ్రిజాను ప్రదర్శించింది దీని గురించి మరింత తెలుసుకోండి.