2016 మలిసగానికి ఆటోమేటిక్ వేరియంట్లో మారుతి స్విఫ్ట్

మారుతి సుజుకి వారి కథనం ప్రకారం, మారుతి ఇప్పటి వరకు లక్షకు పైగా ఆటోమేటిక్ మరియు ఆటోగేర్‌షిఫ్ట్ టెక్నాలజీ ఉన్న కార్లను అమ్మేసింది.

దీనిని దృష్టిలో ఉంచుకుని దేశీయంగా ఆటోమేటిక్ వేరియంట్లకు ఉన్న గిరాకీని ఆలోచించుకుని మారుతి ఇప్పుడు తమ స్విఫ్ట్ ఆటోమేటిక్‌ను ఇండియన్ మార్కెట్లోకి విడుదల చేయడానికి సన్నాహాలు చేస్తోంది.

లిమిటెడ్ ఎడిషన్ మారుతి స్విఫ్ట్ ను ఆటోమేటిక్ వేరియంట్లో 2016 జూన్‌లోపు అందుబాటులోకి తీసుకువచ్చే అవకాశాలు ఉన్నాయి.

గత 2015-2016 ఆర్థిక సంవత్సరంలో ఇండియన్ మార్కెట్లో ఆటోమేటిక్ మరియు ఆటోగేర్‌షిఫ్ట్ టెక్నాలజీ గల వాహనాల అమ్మకాలు 82 శాతం వరకు పెరిగాయి.

మారుతి సుజుకి గడిచిన ఆర్థిక సంవత్సరంలో 54,700 ఆటోమేటిక్ ట్రాన్స్‌మిషన్ గల కార్లను అమ్మింది. అందులో ఎక్కువగా సెలెరియో కార్లు ఉన్నాయి.

మారుతి సుజుకి తమ అన్ని కార్లలో కూడా ఆటోమేటిక్ మరియు ఆటోగేర్‌షిఫ్ట్ టెక్నాలజీల కోసం మ్యాగ్నెట్టీ మారెల్లీ సంస్థతో చేతులు కలిపింది. మరియు దేశీయంగా మొదటి సారిగా ఆటోమేటిక్‌ను పరిచయం చేసింది కూడా మారుతినే.

మారుతి సుజుకి తమ 1.3-లీటర్ డీజల్ ఇంజన్‌లో మాత్రమే ఆటోమేటిక్ మరియు ఆటోగేర్‌షిఫ్ట్ టెక్నాలజీని అందుబాటులోకి తీసుకురానుంది.

ఇందులో వినియోగించనున్న 74 బిహెచ్‌పి పవర్ మరియు 200 ఎన్ఎమ్ గరిష్ట టార్క్‌ను ఉత్పత్తి చేస్తుంది.

మారుతి వచ్చే పండుగ సీజన్‌కల్లా తమ వితారా బ్రిజా కాంపాక్ట్ ఎస్‌యువిలో కూడా ఈ ఆటోమేటిక్ ట్రాన్స్‌మిషన్‌ను పరిచయం చేయనుంది.

ఆటోమేటిక్ ట్రాన్స్‌మిషన్

మ్యాన్యువల్ ట్రాన్స్‌మిషన్ గల వాహనాలలో వేగాన్ని బట్టి గేర్లను మార్చుతుంటాం. హై వే రోడ్లలో తప్పిస్తే సిటి లోని ట్రాఫిక్ రోడ్ల మీద మ్యాన్యువల్ ట్రాన్స్‌మిషన్ గల కార్లలో వెళితే మాటి మాటికీ గేర్లను మార్చుతూ ఉండాలి. అదే ఆటోమేటిక్ ట్రాన్స్‌మిషన్ అయితే వేగాన్ని బట్టి దానంతట అదే గేర్లను మార్చుకుంటుంది.

ఎన్నికల ప్రచారానికి మొదటి సారిగా విమానాన్ని వినియోగించిన రాజకీయ నాయకుడు ఎవరో తెలుసా ?