సాయుధ రక్షిత మెర్సిడెస్ మేబ్యాక్ ఎస్600 గార్జ్ భారత్‌లోకి ఎంట్రీ

ప్యాసింజర్ కార్లలో భద్రత పరంగా విఆర్10 ప్రొటెక్షన్ లెవల్ రేటింగ్ పొందిన మొదటి కారు ఈ మేబ్యాక్ ఎస్600 గార్డ్. బాంబు ప్రేలుడు సమయంలో కాపాడే ఇఆర్‌వి 2010 ఎక్స్‌ప్లోజన్ రెసిస్టాన్స్ వెహికల్ సర్టిఫికేషన్‌ పొందింది.

దీనికి వచ్చిన సర్టిఫికేషన్స్ ప్రకారం కారు ఎక్ట్సీరియర్ ప్యానెల్ మరియు విండోలు వంటివి తుపాకులు, ఆటోమేటిక్ రైఫిల్స్ మరియు స్నిపర్ రైఫిల్స్ అలాగే రాకెట్ ప్రొపెల్లెడ్ గ్రెనేడ్స్ (ఆర్‌పిజి) వంటి వాటి నుండి జరిగే దాడుల నుండి తట్టుకుంటాయి.

దాడుల నుండి ప్రయాణికులకు ఎటువంటి హాని జరగకుండా కారు బాడీ బాహ్య లేయర్‌కు మరియు బాడీ ఫ్రేమ్‌‌లకు మధ్య ప్రత్యేకమైన స్టీల్ పదార్థంతో తయారు చేసిన మెటీరియల్‌ను కల్పించారు. తద్వారా కాల్పుల నుండి ఇది రక్షిస్తుంది.

పాలీ కార్బోనేట్ అనే పదార్థంతో కారు అద్దాల మీద ప్రత్యేకమైన పూత పూయబడి ఉంటుంది. తద్వరా అద్దాల మీద నుండి జరిగే దాడులను ఇది నిరోధిస్తుంది.

మేబ్యాక్‌లోని అన్ని చక్రాలకు కూడా మిచ్చేలియన్ వారి స్టీల్ రింగులతో తయారు చేసిన చక్రాలను అందించారు. ఇవి ప్రేలుడులను కూడా తట్టుకుంటాయి మరియు స్కిడ్ అయ్యే అవకాశాలు ఏ మాత్రం ఉండవు. అంత్ కాకుండా టైరులో గాలి లేనపుడు కూడా ఇది 29 కిలోమీటర్ల వరకు ప్రయాణిస్తుంది

స్టీరింగ్ మరియు ఆక్సిల్స్ ‌ను శక్తివంతంగా, ధృడంగా డిజైన్ చేశారు.

కారు అడుగు భాగాన యుద్దంలో సంభవించే పేలుళ్లను తట్టుకునే విధంగా ప్రత్యేతకమై యుద్ద ప్లేట్లను కారు అడుగు భాగంలో అమర్చారు.

ఇంధన ట్యాంకు యుద్దంలో ఉపయోగించేది కానప్పటికీ దీని ఇంధన ట్యాంకును సెల్ఫ్ హీలింగ్ పదార్థంతో లోపలి వైపును రూపొందించారు. ఒక వేళ కాల్పుల్లో ఇంధన ట్యాంకుకు రంధ్రాలు పడితే ఈ పదార్థం వాటిని మూసి వేస్తుంది.

మీరు కారులో ఉన్నప్పుడు ప్రమాదకరమైన వాయువులు లోనికి విడుదల అయితే మీరు తాజా గాలిని లోనికి పంపింగ్ చేసే విధమైన సౌకర్యాన్ని ఇందులో కల్పించారు. దీని వలన తాజా గాలి విష తుల్యమైన గాలిని బయటకు నెట్టేస్తుంది.

ఈ మెర్సిడెస్ బెంజ్ మేబ్యాక్ ఎస్600 గార్డ్ కారులో అత్యంత శక్తివంతమైన 6.0-లీటర్ కెపాసిటి గల ట్విన్ టుర్బో వి12 ఇంజన్ కలదు.

ఈ శక్తివంతమైన ఇంజన్ 523 బిహెచ్‌పి పవర్ మరియు 830 ఎన్ఎమ్ గరిష్ట టార్క్‌ను విడుదల చేస్తుంది.

మెర్సిడెస్ బెంజ్ మేబ్యాక్ ఎస్600 గార్డ్ కారు బరువు దాదాపుగా 4.7 టన్నులు ఉన్నట్లు తెలిసింది.

ఇది కేవలం 7.9 సెకండ్ల కాలంలోనే 0 నుండి 100 కిలోమీటర్ల వేగాన్ని చేరుకుంటుంది. మరియు దీని గరిష్ట వేగం గంటకు 190 కిలోమీటర్లుగా ఉంది.

మెర్సిడెస్ బెంజ్ వారి మేబ్యాక్ ఎస్600 గార్డ్ కారు ఆడి వారి ఎ8 ఎల్ సెక్యురిటీ కారుకు గట్టి పోటిగా నిలవనుంది.

• ఏకే-47 మెషీన్ గన్‌తో కాల్చినా కూడా చెక్కుచెదరదు: ఆడి ఎ8 ఎల్