లగ్జరీ కార్ల ప్రపంచంలోకి సరికొత్త 3 సిరీస్ కారును విడుదల చేసిన బిఎమ్‌డబ్ల్యూ

By Anil

Published: Wednesday, January 27, 2016, 19:05 [IST]

ప్రముఖ లగ్జరీ కార్ల సంస్థ బిఎమ్‌డబ్ల్యూ భారతీయ మార్కెట్లోకి సరికొత్త 3 సిరీస్ కారును విడుదల చేసింది. అతి త్వరలో 2016 ఇండియన్ ఆటో ఎక్స్ పో జరగనున్న తరుణంలో బిఎమ్‌డబ్ల్యూ ఇలా ముందుగా తమ 3-సిరీస్ కారును ఆవిష్కరించింది.
Also Read: డెట్రాయిట్ ఆటో షోలో తళుక్కుమన్న మెర్సిడెస్ బెంజ్ ఇ-క్లాస్

బిఎమ్‌డబ్ల్యూ 3 సిరీస్ లగ్జరీ కారు గురించి పూర్తి వివరాలు క్రింది కథనం ద్వారా తెలుసుకుందాం రండి.

లభించు వేరియంట్లు:

బిఎమ్‌డబ్ల్యూ ప్రస్తుతం నాలుగు డీజల్ వేరియంట్లను మార్కెట్లో అందుబాటులో ఉంచింది.

ప్రెస్టీజ్
స్పోర్ట్ లైన్
లగ్జరీ లైన్
ఎమ్-స్పోర్ట్

అయితే ఇందులో పెట్రోల్ వేరియంట్లను 2016 చివరికల్లా మార్కెట్లోకి తీసుకురానున్నట్లు తెలిపారు.

ధర వివరాలు

బిఎమ్‌డబ్ల్యూ 320డి ప్రెస్టీజ్ ధర రూ. 35,90,000
బిఎమ్‌డబ్ల్యూ 320డి స్పోర్ట్ లైన్ ధర రూ. 41,50,000
బిఎమ్‌డబ్ల్యూ 320డి లగ్జరీ లైన్ ధర రూ. 51,50,000
బిఎమ్‌డబ్ల్యూ 320డి స్పోర్ట్ ధర 44,50,000

అన్ని ధరలు ఎక్స్ షోరూమ్(దేశ వ్యాప్తంగా)

ఇంజన్ :

బిఎమ్‌డబ్ల్యూ ఈ 3 సిరీస్ లగ్జరీ కారులో 2.0-లీటర్ కెపాసిటి గల టర్బో ఛార్జ్‌డ్ డీజల్ ఇంజన్ ను అందించారు.

పవర్

ఇందులో ఉన్న అత్యంత శక్తివంతమైన ఇంజన్ దాదాపుగా 190 బిహెచ్‌పి పవర్ మరియు 400 ఎన్ఎమ్ అత్యధిక టార్క్‌ను ఉత్పత్తి చేయును.

అత్యధిక వేగం:

ఈ బిఎమ్‌డబ్ల్యూ 3 సిరీస్ కారు కేవలం 7.2 సెకండ్ల వ్యవధిలోనే గంటకు 0 నుండి 100 కిలోమీటర్ల వేగాన్ని అందుకుంటుంది. మరియు దీని అత్యధిక వేగం గంటకు 230 కిలోమీటర్లు. ఇందులోని ఇంజన్ 8-స్పీడ్ ఆటోమేటిక్ ట్రాన్స్‌మిషన్‌ను కలిగి ఉంది.