నూతన ఒరవడితో నిస్సాన్ మైక్రా: రహస్య ఫోటోలలో ఇలా

నిస్సాన్ వారి ఎక్ట్స్ జెన్ మైక్రా కారును భారీ ఒత్తిడి మరియు రహస్యాల మధ్య పరీక్షించారు. అయితే మొత్తానికి విజయవంతంగా దీని పరీక్షలను ఇండియన్ రోడ్ల మీద ముగించుకుంది.

నిస్సాన్ వారు దీనిని ఎంత రహస్యంగా పరీక్షించాలని చూసినప్పటికీ. దీని గురించి ఆటోమొబైల్ వైబ్‌సైట్లు బయట ప్రపంచానికి వెలువరించాయి.

నిస్సాన్ వారు ఈ నూతన మైక్రా కారులో సరికొత్త డిజైన్‌కు ఆజ్యం పోశారు. ఫ్రంట్ డిజైన్ పరంగానే ఎక్కువ మార్పులు చోటు చేసుకున్నాయి. అయితే దీని ప్రొడక్షన్ విషయానికి వస్తే మరిన్ని మార్పులు చేర్పులతో రానుంది.

ఈ డిజైన్ కాన్సెప్ట్‌ను మనం తీక్షణంగా గమనిస్తే 2015 లో జరిగిన జెనీవా మోటార్ షోలో నిస్సాన్ ప్రదర్శించిన పల్సర్ హ్యాచ్‌బ్యాక్‌ను పోలి ఉంది.

ముందు వైపున ఆకర్షణీయమైన లైట్లు, యాంగులర్ ఆకారంలో గల సన్ రూఫ్ అదేవిధంగా రియర్ స్పాయిలర్ కలవు. వెనుకస వైపున గల డోర్ హ్యాండిల్‌ను తొలగించివేశారు. ఈ హ్యాండిల్‌ను డోర్ పై భాగాన మూలలో కల్పించారు.

నిస్సాన్ ఇండియా ఈ మైక్రా హ్యాచ్‌బ్యాక్ కారును ఈ ఏడాది చివరికి మార్కెట్లోకి తీసుకువచ్చే అవకాశాలు ఉన్నాయి. ప్రపంచ వ్యాప్తంగా విడుదల తరువాత దీనిని భారతీయ రోడ్ల మీదకు ప్రవేశపెట్టనుంది. దీనికి చెందిన మరిన్ని వివరాలకు డ్రైవ్‌స్పార్క్‌తో కలిసి ఉండండి.

• జలాంతర్గామిని కోల్పోయిన నార్త్ కొరియా: అమెరికా పైనే అనుమానం..!
• మొదటి తరం ఇన్నోవా ఉత్పత్తికి తెర దించిన టయాటా
• ఏప్రిల్ నుండి హోండా నవీ డెలివరీ షురూ...!