2016 ప్యారిస్ మోటార్ షో లో పోర్షే 911 జిటి3 విడుదల

By Anil

Updated: Friday, September 30, 2016, 13:59 [IST]

పోర్షే 2017 కు చెందిన జిటి3 కప్ కారును ప్యారిస్‌లో జరుగుతున్న 2016 ప్యారిస్ మోటార్ షో వేదిక మీద ప్రదర్శించింది. 2017 నాటికి ప్రపంచ రేసింగ్ ట్రాక్స్ మీద ఈ 2017 పోర్షే 911 జిటి2 కప్ రేసింగ్ కారు అందుబాటులోకి రానుంది.

పోర్షే ఈ జిటి రేసింగ్ 911 కారులో న్యాచురల్లీ ఆస్పిరేటెడ్ 4-లీటర్ల సామర్థ్యం ఉన్న ఆరు సిలిండర్ల సమాంతర ఇంజన్‌‌ను అందించింది. ఇది సుమారుగా 485హార్స్‌పవర్ ను ఉత్పత్తి చేస్తుంది.

సాంకేతికంగా ఇందులోని ఇంజన్‌లో అయిల్ డీఫామింగ్‌ను నియంత్రిచడానికి ఇంటిగ్రేటెడ్ అయిల్ సెంట్రిప్యూజ్‌ను పరిచయం చేయడం జరిగింది. అదే విధంగా క్రాంక్ షాప్ట్‌ను కూడా మంచి ధృడత్వంతో రూపొందించారు.

పోర్షే 911 జిటి3 కప్ కారు మీద ముందు వైపు నుండి గాలుల ద్వారా పడే ఘర్షణ ప్రభావాన్ని తగ్గించడానికి ప్రత్యేకమైన ఏరోడైనమిక్ డిజైన్ అందించారు. మరియు వెనుక వైపున సుమారుగా 184 సెంటీమీర్ల వెడల్పు గల రెక్కను అందించారు.

భద్రత పరంగా 2017 పోర్షే 911 జిటి3 లో ధృడమైన బాడీ, బకెట్ శైలిలో ఉన్న రేసింగ్ సీట్, శరీరం మరియు తలకు మరింత భద్రతను చేకూర్చడానికి సీట్ చుట్టుప్రక్కల భద్రతతో కూడిన డిజైన్ చేసారు.

1998 నుండి పోర్షే సుమారుగా 3,031 యీనిట్ల 911 జిటి3 కప్ కార్లను ఉత్పత్తి చేసింది. అదే ప్రొడక్షన్ పద్దతిలో ఈ 2017 పోర్షే 911 జిటి3 ను కూడా ఉత్పత్తి చేయనుంది. ప్రస్తుం ఈ కార్లను పోర్షే తన Stuttgart-Zuffenhausen ప్లాంటులో తయారు చేస్తోంది.

Deutschland మరియు North America లలో ఫార్ములా వన్1 రేసులు, ఫోర్షే క్యారెర్రాలతో పాటు 2017 లో జరగనున్న 911 జిటి3 రేసులో ఈ 2017 మోడల్‌కు చెందిన 911 జిటి3 కప్ పాల్గొననుంది.