దీపావళకి విడుదల కానున్న రెనో క్విడ్ 1.0-లీటర్

రెనో అభివృద్ది చేసిన ఇందులో 1.0-లీటర్ కెపాసిటి గల మూడు సిలిండర్ల పెట్రోల్ ఇంజన్ కలదు.

ఇది దాదాపుగా 67 బిహెచ్‌పి పవర్‌ను ఉత్పత్తి చేస్తుంది. అందుకోసం ఇందులో ప్రత్యేకంగా 5-స్పీడ్ ఆటోమేటిక్ ట్రాన్స్‌మిషన్‌ను అందించారు.

అయితే రెనో ఇండియా దీనికన్నా ముందుగా ఇండియన్ మార్కెట్లోకి క్విడ్ 800సీసీ కారును అందించిన విషయం విధితమే.

లక్కీగా రెనో క్విడ్ రెండు మోడల్ కార్లు అయిన క్విడ్ 800సీసీ మరియు 1.0-లీటర్ లలో ఆటోమేటిక్ మ్యాన్యువల్ ట్రాన్స్‌మిషన్‌ను ఆప్షనల్‌గా అందిస్తున్నారు.

క్విడ్ పాత మోడల్‌తో దీనిని పోల్చుకుంటే ఇందులో కొత్తగా 1.0-లీటర్ ఇంజన్ మరియు ఆటోమేటిక్ ట్రాన్స్‌మిషన్‌ను గుర్తించవచ్చు.

అయితే ఇంటీరియర్ మరియు ఎక్ట్సీరియర్ పరంగా ఇందులో ఎటువంటి మార్పులు చోటు చేసుకోలేదు.

అయితే పాత మోడల్‌తో దీనిని పోల్చినపుడు కొంచెం వేరుగా కనిపించడానికి కొన్ని కొత్త రంగుల్లో అందుబాటులోకి తీసుకువస్తున్నట్లు తెలిసింది.

భధ్రత పరంగా రెనో క్విడ్ కార్లలో రెండు ఎయిర్ బ్యాగులు, యాంటి లాక్ బ్రేకింగ్ సిస్టమ్ మరియు ఎలక్ట్రానికల్ బ్రేక్ ఫోర్స్ డిస్ట్రిబ్యూషన్ వంటి వాటిని ఇందులో అందిస్తున్నారు.

ధర పరంగా సాధారణ క్విడ్తో పోల్చుకుంటే ఈ 1.0-లీటర్ ఏఎమ్‌టి క్విడ్ ధర ఎక్కువగానే ఉండనుంది.

ఇండియన్ మార్కెట్లోకి క్విడ్ 1.0-లీటర్ ఆటోమేటిక్ విడుదల అయితే ప్రస్తుతం విపణిలో ఉన్న మారుతి సుజుకి ఆల్టో కె10 ఆటోమేటిక్ మోడల్‌కు పోటిగా నిలవనుంది.