దేశీయంగా విడుదల కానున్న క్విడ్ 1.0-లీటర్ ఏఎమ్‌‌టి: పూర్తి వివరాలు

ఫ్రెంచ్‌కు చెందిన కార్ల తయారీ సంస్థ రెనో ఇండియన్ మార్కెట్లోకి విడుదల చేసిన 800సీసీ సామర్థ్యం ఉన్న క్విడ్ ద్వారా 5 శాతం మార్కెట్‌ను సొంతం చేసుకుంది. అయితే ఇప్పుడు ఈ క్విడ్ కారును 1.0-లీటర్ ఇంజన్‌తో పాటు ఆటేమేటిక్ గేర్‌ షిఫ్ట్ ట్రాన్స్‌మిషన్‌ను అందివ్వడానికి సిద్దమైంది

1.0-లీటర్ మరియు ఏఎమ్‌టి గల క్విడ్‌లో రెనో ఎఫ్1 బృందం అభివృద్ది చేసిన ఈజీ-ఆర్(Easy-R) గేర్ షిఫ్ట్ గల ట్రాన్స్‌మిషన్‌ను అందివ్వనున్నారు.

రెనో ఇండియా గత ఏడాదిలో విడుదల చేసిన క్విడ్ సుమారుగా 75,000 అమ్మకాలను సాధించింది. రెనో ఇండియా సిఇఒ మరియు మేనేజింగ్ డైరెక్టర్ సమిత్ షానే మాట్లాడుతూ, రెనో క్విడ్ దేశ వ్యాప్తంగా బాగా అంగీకరించబడిన ఉత్పత్తి, ఇదే తరహాలోనే క్విడ్ 1.0-లీటర్ ఫలితాలను సాధిస్తుందని తెలిపారు.

ఎంట్రీ లెవల్ సెగ్మెంట్లో మంచి పనితీరు ప్రదర్శించే ఇంజన్‌లను కోరుకునే వారి కోసం ఈ 1.0లీటర్ ఇంజన్‌ను క్విడ్ ద్వారా వివిధ రకాల వేరియంట్లలో అందివ్వనున్నట్లు తెలిసింది.

ఈ ఏడాది ప్రారంభంలో ఇండియాలో జరిగిన 2016 ఇండియన్ ఆటో ఎక్స్ పో వేదిక మీద రెనో తమ క్విడ్ 1.0-లీటర్ మరియు ఆటోమేటిక్ వేరియంట్‌ను ప్రదర్శించింది.

ఇందులోని 1.0 లీటర్ ఇంజన్ సరికొత్త 1.0 ఎస్‌సిఇ (స్మార్ట్ కంట్రోల్ ఎఫిషియన్సీ) సాంకేతికతను పరిచయం చేయనున్నారు. ఈ ఇంజన్‌లో రెండు ఓవర్ హెడ్ క్యామ్ షాఫ్ట్‌లు మరియు ప్రతి సిలిండర్‌కు నాలుగు వాల్వ్‌లు ఉంటాయి.

ఇది దేశీయంగా విడుదల అయితే దీని సుమారుగా రూ. 3.25 లక్షలు నుండి 4.15 లక్షల మధ్య ఎక్స్ షోరూమ్ (ఢిల్లీ)గా ఉండనుంది.

ఈ రెనో క్విడ్ 1.0-లీటర్ ఏఎమ్‌టి ఇండియన్ మార్కెట్లో ఉన్న ఆల్టో కె10 కు గట్టి పోటీగా నిలనుంది.

రూపం పరంగా క్విడ్ 800సీసీ నే పోలి ఉన్నప్పటికీ ప్రక్క వైపుల డోర్ల మీద గ్రాఫిక్స్ మరియు వెనుక వైపున 1.0-లీటర్ మరియు ఆటోమేటిక్‌ను సూచించే బ్యాడ్జిని కల్పించారు.

ప్రపంచ విమానయాన రంగం గురించి విస్మయపరిచే నిజాలు

త్వరలో ఇండియాలో విడుదల కానున్న రెనో కార్లు