అలర్ట్: భారీగా పెరగనున్న క్విడ్ ధరలు

రెనో తమ ఉత్పత్తుల తయారీ పై పెట్టుబడి వ్యయం అధికమవుతున్న నేపథ్యంలో తమ లైనప్‌లో అన్ని కార్ల మీద కూడా ఓ మోస్తారుగా ధరలు పెంచాలనే అలోచనకు వచ్చినట్లు తెలిసింది.

దేశ వ్యాప్తంగా తమ ఉత్పత్తుల ధరల పెంపు మరియు ధరల నిర్ణయానికి సంబంధించిన సమాచారం రెనో త్వరలో వెల్లడించనుంది.

ప్రస్తుతం విడుదలైన తాజా సమాచారం ప్రకారం రెనో లైనప్‌లో ఉన్న అన్ని ఉత్పత్తుల మీద 1 నుండి 2 శాతం మేర ధరలు పెరిగే అవకాశం ఉంది.

రెనో ఇండియా మేనేజింగ్ డైరెక్టర్ సుమిత్ సాహ్ని మాట్లాడుతూ, పెట్టుబడుల వ్యయం పెరగడంతో తమ శ్రేణిలో ఉన్నఅన్ని మోడళ్లు ధరల పెంపునకు గురికానున్నాయి. ప్రస్తుతం కొత్త ధరల మూల్యంకన జరుగుతోందని తెలిపాడు.

ప్రస్తుతం రెనో ఇండియా దేశీయ మార్కెట్లో ఐదు ఉత్పత్తులను అందుబాటులో ఉంచింది. అవి క్విడ్, పల్స్, స్కాలా, లాజీ మరియు డస్టర్ ఎస్‌యువిలు ఉన్నాయి. ఇత రెనో తాజాగ అందుబాటులోకి తెచ్చిన క్విడ్ 1.0-లీటర్ వేరియంట్ ధర కూడా పెరగనుంది.

రెనో వారి చిన్న కారు క్విడ్ విడుదలైనప్పటి నుండి ఇప్పటి దాకా రెండు మార్లు ధర పెరిగింది. దీనిని సెప్టెంబర్ 2015 లో విడుదల చేశారు.

ఈ ఏడాది జనవరిలో రెనో తమ క్విడ్ మీద 11,000 రుపాయల వరకు మరియు ఆగష్టులో 9,646 రుపాయల వరకు ధర పెంచింది.

కార్ల ధరలు కేవలం రెనోకు మాత్రమే పరిమితం కాలేదు ఆటో ఇండస్ట్రీలోని టాటా మటార్స్, హ్యుందాయ్, హోండా మరియు మారుతి సుజుకి వంటి సంస్థలు కూడా తయారీ ధరలు పెరినందుకు ధరల పెంపు చేపడుతున్నట్లు పేర్కొంటున్నాయి.

మారుతి సుజుకి మోడల్‌ను బట్టి 1,500 నుండి 20,000 రుపాయల వరకు ధరల పెంపు చేపట్టింది. అదే విధంగా హ్యుందాయ్ మోటార్స్ కూడా గరిష్టంగా 20,000 రుపాయల వరకు ధరలు పెంపు చేపట్టింది.

తరువాత హోండా మోటార్స్ కూడా తమ ఉత్పత్తుల మీద గరిష్టంగా 14,250 రుపాయలు పెంపును ప్రకటించింది. ఇక టాటా మోటార్స్ తమ ఉత్పత్తుల మీద 1 శాతం ధరల పెంపు చేపట్టే అవకాశం ఉన్నట్లు ముందస్తు సూచనలు చేస్తోంది.

• కలకత్తా చారిత్రాత్మక నగరంలో టీవీఎస్ విగోతో దుర్గా పూజ సంబరాలు: ఫోటోలు



• ప్రపంచాన్ని వణికించిన రష్యన్ మిస్సైల్స్ కొనుగోలు చేస్తున్న ఇండియా
• క్షణ కాలంలో పాకిస్తాన్‌ను బూడిద చేయగల భారత దేశపు శక్తివంతమైన 10 యుద్ద విమానాలు
• సంచలనాత్మక విజయంలో టాటా టియాగో: భారీ బుకింగ్స్ కారణంగా పెరిగిన వెయిటింగ్ పీరియడ్