డీజల్, పెట్రోల్‌లతో కాదు గాలితో నడిచే కారు...!!

గాలితో నడిచే ఈ కారును గుజరాత్‌లోని రాజ్‌కోట్‌‌ నగరంలో ఉన్న ఇంజనీరింగ్ కళాశాలలోని నలుగురు ఇంజనీరింగ్ విద్యార్థులు దీనిని రూపొందించారు.

వీరు తమ చివరి సంవత్సరంలోని ప్రాజెక్ట్‌లో భాగంగా దీనిని అభివృద్ది చేశారు. పక్కా ప్రణాళికతో గత ఏడాదిలోనే గాలిని ఉత్పత్తి చేసే పరికరాన్ని రూపొందించారు.

కార్లు మరియు ఇతర వాహనాలలో ఇంధనం నింపడానికి వినియోగించే ట్యాంకులనే గాలిని నింపడానికి ఉపయోగించారు.

అంతే కాకుండా దీని బహిర్గత మరియు అంతర్గత నిర్మాణానికి పాత వాహనాలకు సంభందించిన విడి పరికరాలను వినియోగంచారు. తద్వారా తక్కువ ఖర్చుతో దీనిని అభివృద్ది చేసినట్లు తెలిపారు.

ప్రస్తుతం వీరి ముందున్న పెద్ద సవాళు గాలిని గ్రహించే ప్రోటోటైప్ అని వీరి బృందంలోని సభ్యుడు క్రిష్టా పాన్స్యూర్యా తెలిపాడు. చిన్న చిన్న సమస్యల మినహా ఇది పూర్త స్థాయిలో సిద్దమైందని తెలిపాడు.

ఇందులోని ట్యాంకులోనికి సుమారుగా 12 సార్లు గాలిని నింపితే రెండు కిలోమీటర్లు ప్రయాణించవచ్చు, అదే విధంగా 15 సార్లుగా నింపితే మూడు కిలోమీటర్లు ప్రయాణించవచ్చు నిరూపించారు.

కాలుష్య రహిత, ఎకో ఫ్రెండ్లీ వాహనాలను పార్కులు మరియు కళాశాలల్లో వాడుకోవచ్చు, ముఖ్యంగా తక్కువ దూరం ప్రయాణాలకు ఇలాంటి గాలితో నడిచే వాహనాలను వినియోగించుకోవచ్చని తెలిపారు.

కేవలం ఒక్క వ్యక్తి మాత్రమే ప్రయాణించడానికి వీలున్న ఇందులో గంటకు గరిష్టం 20 కిలోమీటర్ల మేర ప్రయాణించవచ్చని పేర్కొన్నారు.

మా ఈ ప్రయోగానికి మరిన్ని మార్పులు చేస్తే దూర ప్రాంత ప్రయాణాలకు కూడా వీటిని వినియోగించుకోవచ్చని తెలిపారు.

మనం కూడా ఎకో ఫ్రెండ్లీ, కాలుష్య రహిత వాహనాలను వాడుదాం కాలుష్యం వెదజల్లే వాహనాల బారి నుండి పర్యావరణాన్ని రక్షిద్దాం...

లీటర్ పెట్రోల్‍‌‌తో 360 కిలోమీటర్లు మైలేజ్ ఇవ్వగల స్కూటర్

సోలార్ కారులో కోలార్ తాత రికార్డ్ ప్రయాణం