టాటా కైట్ 5 ప్రొడక్షన్ రెడి: పూర్తి ఫీచర్లు...

కైట్ 5 డిజైన్ ఫీచర్లలో వెనుక వైపున అత్యంత పొడవైన బ్రేక్ లైట్‌ను అందించారు. మరియు బ్రేకులైట్లు వెనుక విండోలోకి చొచ్చుకుని పోయినట్లు ఉంటాయి.

అంతే కాకుండా వెనుక వైపున ఉన్న బూట్ (డిక్కీ)కి పై భాగంలో చిన్న పెదవి వంటి ఆకారంలో ఉన్న స్పాయిలర్‌ను కూడా డిజైన్ చేశారు.

ఇంటీరియర్ వివరాలను స్పష్టంగా తెలుపుతున్న ఈ రహస్య ఫోటోలలో ఇంటీరియర్ ఫీచర్లు పెద్దగా ఏమీ నూతనత్వాన్ని సంతరించుకోలేదు. పూర్తి స్థాయిలో టియాగో ఇంటీరియర్‌ను పోలి ఉంది.

దీనిని రహదారి మీదకు విడుదల చేసే నాటికి కైట్ 5 లేదా మరే పేరుతో పిలుస్తారో కాని, ఇందులో టియాగో ఉన్నటువంటి మల్టీమీడియాను అందించారు. మరియు హార్మన్ ఆడియో సిస్టమ్ మీ మ్యూజిక్‌కు మరింత మజాను జోడిస్తుంది.

డ్యాష్ బోర్డ్‌ను డ్యూయల్ టోన్ లేయర్‌తో డిజైన్ చేశారు, ఇక ఏ/సి వెంట్‌లు మరియు వాటి నియంత్రికలను టియాగోలో ఎలా తీర్చిదిద్దారో అదే తరహాలో ఉన్నాయి.

టియాగోకు మరింత బలాన్నిచ్చిన 5-స్పీడ్ మ్యాన్యువల్ ట్రాన్స్‌మిషన్‌ను ఇందులో కూడా అందివ్వనున్నారు. అయితే ఆటోమేటిక్ ట్రాన్స్‌మిషన్‌ను కల్పించే అంశం టాటా మోటార్స్ వారి నిర్ణయం మీదనే ఆధారపడి ఉంది.

సబ్ నాలుగు మీటర్ల కేటగిరీలో విడుదలకానున్న ఈ టియాగో ఆధారిత సెడాన్ ఇండిగో ఇసిఎస్ స్థానాన్ని భర్తీ చేయనుంది.

ఈ ఏడాది చివరిలోపు టాటా మోటార్స్ ఈ కైట్ 5 సెడాన్‌ను విడుదల చేయనున్నారు.

ఈ వాహనాలు విడుదలైతే ఇక ఎస్‌యువి సెగ్మెంట్ పూర్తిగా మహీంద్రా ఆధీనంలోకే...!!

• రానున్న ఏడాదిలోపు విడుదల కానున్న హ్యుందాయ్ కొత్త కార్లు