సౌత్‌లోకి అడుగుపెట్టిన టాటా టియాగో ప్రారంభం ధర 3.32 లక్షలు

By Anil

Published: Monday, April 18, 2016, 18:19 [IST]

టాటా మోటార్స్ నుండి ఎంతో కాలంగా ఎదురు చూస్తున్న టియాగో హ్యాచ్‌బ్యాక్ కారు ఈ నెల 6 వ తేదీన ఇండియన్ మార్కెట్లోకి విడుదలయింది. అయితే టాటా మోటార్స్‌ టియాగో హ్యాచ్‌బ్యాక్ ‌ను బెంగళూరు వేదికగా దక్షిణ భారతదేశానికి పరిచయం చేసింది. విడుదల సమయంలో దీని ప్రారంభ ధర రూ. 3.32 లక్షలు ఎక్స్ షోరూమ్ (బెంగళూరు)గా ప్రకటించారు.

టాటా టియాగో హ్యాచ్‌బ్యాక్ గురించి మరిన్ని వివరాలు క్రింది కథనం ద్వారా తెలుసుకుందాం రండి.

టియాగో పెట్రోల్ వేరియంట్ ధర వివరాలు

ఎక్స్‌బి ధర రూ. 3,32,282లు
ఎక్స్‌ఎఇ ధర రూ. 3,72,484 లు
ఎక్స్‌ఎమ్ ధర రూ. 4,02,154 లు
ఎక్స్‌టి ధర రూ. 4,32,694 లు
ఎక్స్‌జడ్ ధర రూ. 4,89,019 లు

టియాగో డీజల్ వేరియంట్ ధర వివరాలు

ఎక్స్‌బి ధర రూ. 4,08,242లు
ఎక్స్‌ఎఇ ధర రూ. 4,43,864 లు
ఎక్స్‌ఎమ్ ధర రూ. 4,83,527 లు
ఎక్స్‌టి ధర రూ. 5,14,073 లు
ఎక్స్‌జడ్ ధర రూ. 5,69,409 లు

అన్ని ధరలు ఎక్స్ షోరూమ్ బెంగళూరుగా ఉన్నాయి.

ఇంజన్ వివరాలు

టాటా టియాగో రెండు ఇంధన వేరియంట్లలో అందుబాటులో కలదు. అవి పెట్రోల్ మరియు డీజల్.

పెట్రోల్ ఇంజన్

ఇందులో 1.2-లీటర్ కెపాసిటి గల మూడు సిలిండర్ల రివట్రోన్ పెట్రోల్ ఇంజన్ కలదు, ఇది దాదాపుగా 84 బిహెచ్‌పి పవర్ మరియు 114 ఎన్ఎమ్ గరిష్ట టార్క్‌ను ఉత్పత్తి చేయును.

డీజల్

టియాగోలో 1.05 లీటర్ కెపాసిటి గల మూడు సిలిండర్ల రివోటార్క్ డీజల్ ఇంజన్ కలదు. ఇది సుమారుగా 69 బిహెచ్‌పి పవర్ మరియు 114 ఎన్ఎమ్ అత్యధిక టార్క్‌ను ఉత్పత్తి చేయగలదు.

మైలేజ్

పెట్రోల్ వేరియంట్ లీటర్‌కు 23.84 కిలోమీటర్లు
డీజల్ వేరియంట్ లీటర్‌‌కు 27.28 కిలోమీటర్లు మైలేజ్ ఇవ్వగలదు.

డ్రైవింగ్ మోడ్స్

టియాగోలోని పెట్రోల్ మరియు డీజల్ రెండు వేరియంట్లలో కూడా ఎకో మరియు సిటి అనే రెండు డ్రైవింగ్ మోడ్స్ కలవు. రెండు ఇంజన్‌లు కూడా 5-స్పీడ్ మ్యాన్యువల్ ట్రాన్స్‌మిషన్ గల గేర్‌బాక్స్‌ను కలిగి ఉన్నాయి.

యువతను లక్ష్యంగా చేసుకుని

టాటా మోటార్స్ ఈ టియాగో హ్యాచ్‌బ్యాక్‌ కారును ముఖ్యంగా యువతను ఉద్దేశించి రూపొందించారు. ముందు ఎంతో ఆకర్షణీయంగా పదునుగా డిజైన్ చేశారు.

ఫ్రంట్ డిజైన్

ముందు వైపున ఉన్న హెడ్‌ లైట్లను మలిచిన తీరులో ఉన్నాయి. మరియు రెండు హెడ్ ల్యాంప్స్‌ను అనుసంధానం చేస్తూ మధ్యలో చిన్న ఫ్రంట్ గ్రిల్‌ను రూపొందించారు. ఈ ఫ్రంట్ గ్రిల్ క్రింది భాగంలో ఫాగ్ ల్యాంప్స్ కలవు.

ప్రక్క మరియు వెనుక వైపు డిజైన్

దీనికి ముందు వైపున ఉన్న హెడ్‌లైట్ల నుండి ప్రక్క వైపుల మీదుగా వెనుక వరకు అలల వంటి నిర్మాణ శైలి ఉన్న డిజన్ చేశారు. మరియు వెనుక వైపున యాంగులర్ టెయిల్ ల్యాంప్స్ కలవు.