గరిష్ట మైలేజ్ ఇవ్వగల టాప్-10 డీజల్ ఎస్‌యువి వాహనాలు

10. మహీంద్రా టియువీ300

మహీంద్రా అండ్ మహీంద్రా ఇండియన్ మార్కెట్లో ఉన్న ఎస్‌యువి విభాగం మీద ఎక్కువ శ్రద్ద పెట్టింది అని చెప్పవచ్చు. కెయువి100 మరియు నువోస్పోర్ట్ వాహనాల రేంజ్‌లకు మధ్యలో అందుబాటులోకి తెచ్చిన టియూవీ300 ఈ జాబితాలో 10 స్థానంలో నిలిచింది. ఇందులో 1.5-లీటర్ ఎమ్‌హాక్ డీజల్ ఇంజన్‌ కలదు.

మహీంద్రా టియూవీ300 మైలేజ్, ధర వివరాలు

మైలేజ్: 18.50 కిలోమీటర్/లీటర్

ధర : రూ. 7.36 - 9.64 లక్షలు

09. మహీంద్రా థార్

చాలా మంది యువత ఎక్కువగా ఈ మహీంద్రా థార్‌న ఎంచుకుంటున్నారు. ఎస్‌యువి మరియు ఆఫ్ రోడర్‌ ‌గా బాగా పేరు తెచ్చుకుంది. ఇందులో 2.5-లీటర్ డీజల్ మరియు 2.6-లీటర్ డీజల్ ఇంజన్‌‌లు కలవు. ఈ రెండింటిలో 2.6-లీటర్ ఇంజన్ గల థార్ వాహనం ఉత్తమ మైలేజ్ ఇవ్వగలదు.

మహీంద్రా థార్ మైలేజ్, ధర వివరాలు

• మైలేజ్: 18.60 కిలోమీటర్/లీటర్
• ధర : రూ. 5.79 - 8.71 లక్షలు



08. రెనో డస్టర్

రెనో ఇండియా అందుబాటులోకి తీసుకువచ్చిని డస్టర్ ఎస్‌యువి ఇండియన్ మార్కెట్లో మంచి విజయాన్ని సాధించింది. తాజాగా ఈ డస్టర్ అప్‌డేటెడ్ వర్షెన్‌లో విడుదలయింది. ఇందులో ఉన్న గరిష్ట క్యాబిన్ స్పేస్ ఇప్పుడు మరింత మందిని మెప్పించనుంది. ఈ డస్టర్‌లో మూడు ఇంజన్‌ రకాలు ఉన్నాయి. 1.6-లీటర్ పెట్రోల్ (103బిహెచ్‌పి), 1.5-లీటర్ డీజల్(84బిహెచ్‌పి) మరియు 1.5-లీటర్ (108 బిహెచ్‌పి) వరుసగా మ్యాన్యువల్ మరియు ఆటోమేటిక్ ట్రాన్స్‌మిషన్‌లలో అందుబాటులో ఉన్నాయి.



రెనో డస్టర్ మైలేజ్, ధర వివరాలు

• ఉత్తమ మైలేజ్ ఇవ్వగల ఇంజన్: 1.5-లీటర్ డీజల్
• మైలేజ్ : 19.87 కిలోమీటర్/లీటర్
• ధర : రూ. 8.46 నుండి 13.56 లక్షలు



07. నిస్సాన్ టెర్రానో

నిస్సాన్ టెర్రానో ఎస్‌యువిలో శరీరం నిస్సాన్‌ది మరియు ప్రాణం రెనో డస్టర్. ఎందుకంటే ఇందులో రెనో డస్టర్‌లో ఉన్న అన్ని ఇంజన్‌లు అందుబాటులో ఉన్నాయి. అయితే ఇందులో ఉన్న 1.5-లీటర్ డిసిఐ డీజల్ ఇంజన్‌ ఎక్కువ మైలేజ్‌ను ఇవ్వగలదు.



నిస్సాన్ టెర్రానో మైలేజ్, ధర వివరాలు

• మైలేజ్: 20.45 కిలోమీటర్/లీటర్
• నిస్సాన్ టెర్రానో ధర : 9.99 నుండి 12.17 లక్షలు



06. హ్యుందాయ్ క్రెటా

దేశీయంగా అత్యధికంగా అమ్ముడుపోతున్న ఎస్‌యువిలలో క్రెటా వాటా ఎక్కువగా ఉంది. క్రెటా ఎస్‌యువి పెట్రోల్ మరియు డీజల్ రెండు ఇంజన్‌ ఆప్షన్లలో కూడా అందుబాటులో ఉంది. అయితే క్రెటాలోని 1.4-లీటర్ డీజల్ ఇంజన్ ఉత్తమ మైలే‌జ్‌ని ఇవ్వగలదు.



హ్యుందాయ్ క్రెటా మైలేజ్, ధర వివరాలు

• మైలేజ్: 21.38 కిలోమీటర్/లీటర్
• హ్యుందాయ్ క్రెటా ధర: రూ. 9.15 నుండి 14.40 లక్షలు



05. హోండా బిఆర్‌-వి

హోండా మోటార్స్ యొక్క లేటెస్ట్ ఎస్‌యువి బిఆర్ వి ఈ జాబితాలో ఐదవ స్థానంలో చోటు దక్కించుకుంది. ఆ బిఆర్-వి వాహనం 1.5-లీటర్ పెట్రోల్ మరియు డీజల్ ఇంజన్ ఆప్షన్‌లో అందుబాటులో ఉంది. ఇందులోని 1.5-లీటర్ డీజల్ ఇంజన్ ఉత్తమ మైలేజ్ ఇవ్వగలదు.



హోండా బిఆర్‌-వి మైలేజ్, ధర వివరాలు

• మైలేజ్: 22.90 కిలోమీటర్/లీటర్
• ధర: రూ. 6.68 నుండి 9.75 లక్షలు



04. ఫోర్డ్ ఎకో స్పోర్ట్

ఫోర్డ్ మోటార్స్‌కు చెందిన ఎకో స్పోర్ట్ ఎస్‌యువిలోని 1.5-లీటర్ డీజల్ ఇంజన్ గల వేరియంట్ అధిక మైలేజ్ ఇవ్వగలదు. ఇందులో 1.5-లీటర్ పెట్రోల్, 1.5-లీటర్ డీజల్ మరియు 1.0-లీటర్ ఎకోబూస్ట్ వంటి ఇంజన్ రకాలు కలవు.



ఫోర్డ్ ఎకో స్పోర్ట్ మైలేజ్, ధర వివరాలు

• మైలేజ్: 22.30 కిలోమీటర్/లీటర్
• ధర: రూ. 6.68 నుండి 9.75 లక్షలు



03. మారుతి సుజుకి ఎస్-క్రాస్

మారుతి సుజుకి సంస్థ యొక్క దాదాపు అన్ని ఉత్పత్తులు అత్బుతమైన మైలేజ్‌ని ఇవ్వగలవు. మారుతి ఎస్-క్రాస్ కాంపాక్ట్ ఎస్‌యువి అమ్మకాల పరంగా కాస్త తడబడుతున్నప్పటికీ మైలేజ్ పరంగా ఎంతో ఉత్తమంగా ఉంది. ఎస్-క్రాస్‌లో 1.3-లీటర్ డిడిఐఎస్ మరియు 1.6-లీటర్ డీజల్ ఇంజన్‌లు కలవు. ఈ రెండింటిలో 1.3-లీటర్ ఇంజన్ ఉత్తమ మైలేజ్ ఇవ్వగలదు.



మారుతి సుజుకి ఎస్-క్రాస్ మైలేజ్, ధర వివరాలు

• మైలేజ్: 23.65 కిలోమీటర్/లీటర్
• ధర: రూ. 8.03 నుండి 12.03 లక్షలు



02. మారుతి సుజుకి వితారా బ్రిజా

మారుతి సుజుకి ఇండియన్ మార్కెట్లో సబ్-నాలుగు మీటర్ల ఎస్‌యువి సెగ్మెంట్లో నెం. 1 గా నిలిచిపోయింది. ప్రస్తుతం మారుతి సుజుకి తమ వితారా బ్రిజా ఎస్‌యువిలో ఫియట్ వారి 1.3 లీటర్ డిడిఐఎస్ ఇంజన్‌ను వినియోగిస్తోంది.



మారుతి సుజుకి వితారా బ్రిజా మైలేజ్, ధర వివరాలు

• మైలేజ్: 24.3 కిలోమీటర్లు
• ధర: రూ. 6.99 నుండి 9.68 లక్షలు



01.మహీంద్రా కెయు‌వి100

మహీంద్రా అందిస్తున్నఎస్‌‌యువిలలో అత్యంత సరసమైన ఉత్పత్తి ఈ కెయువి100. చూడటానికి ఎంతో చిన్నగా అనిపించినా ఇందులో సుమారుగా ఆరు మందిక కూర్చునే అవకాశం కలదు. ఈ కెయువి100లో మహీంద్రా దేశీయంగా అభివృద్ది పరిచిన 1.2-లీటర్ జి80 పెట్రోల్ మరియు 1.2-లీటర్ డి75 డీజల్ అనే ఎమ్‌ఫాల్కన్ ఇంజన్‌లను అందించింది. ఈ రెండింటిలో 1.2-లీటర్ డి75 డీజల్ ఇంజన్ ఉత్తమ మైలేజ్‌ను ఇస్తుంది.



మహీంద్రా కెయు‌వి100 మైలేజ్, ధర వివరాలు

• మైలేజ్: 25.3 కిలోమీటర్/లీటర్
• ధర: రూ. 4.56 నుండి 7.02 లక్షలు



ప్రతి చుక్క లెక్కలోకే....ఉత్తమ మైలేజ్ ఇవ్వగల టాప్-10 కార్లు

150సీసీ సెగ్మెంట్లో ఉత్తమ మైలేజ్ ఇవ్వగల టాప్-10 బైకులు

మీరు చెల్లించే డబ్బుకు సరైన విలువ గల బెస్ట్ కార్లు