అంతర్జాతీయంగా అమ్ముడవుతున్న టాప్ 5 మేడిన్ ఇండియా కార్లు

హ్యుందాయ్ గ్రాండ్ ఐ10

ఇండియాలో ఉన్న మార్కెట్ వర్గాలకు మరియు వినియోగదారులకు మారుతి తరువాత ఉన్న పర్యాయ పదం హ్యుందాయ్. హ్యుందాయ్ వారి గ్రాండ్ ఐ10 ఇండియాతో పాటు విదేశాల్లో కూడా మంచి అమ్మకాలు సాధిస్తోంది. ఇతర దేశాల్లో అమ్ముడవుతున్న ఉత్పత్తుల జాబితాలో ఐదవ స్థానంలో నిలిచింది ఈ గ్రాండ్ ఐ10 హ్యాచ్‌బ్యాక్.

భారత దేశపు రెండవ అతి పెద్ద కార్ల తయారీ సంస్థ హ్యుందాయ్ గడిచిన ఆర్థిక సంవత్సరంలో సుమారుగా 44,000 యూనిట్లు ఎగుమతి అయ్యాయి. ప్రస్తుతం గ్రాండ్ ఐ10 హ్యాచ్‌బ్యాక్‌ 1197సీసీ కెపాసిటి గల పెట్రోల్ మరియు 1120సీసీ సామర్థ్యం ఉన్న డీజల్‌ ఇంజన్‌తో అందుబాటులో ఉంది.

మారుతి ఆల్టో

మారుతి వారి ఆల్టో ఎప్పటిలాగే ఇండియా యొక్క బెస్ట్ సెల్లింగ్ కారుగా నిలుస్తూనే, ఎగుమతుల్లో కూడా మంచి ఫలితాలను సాధిస్తోంది. గడిచిన ఆర్థిక సంవత్సరంలో సుమారుగా 54,656 యూనిట్ల ఆల్టోలను మారుతి ఎగుమతి చేసింది. అంతకు మునుపటి ఆర్థిక ఏడాదితో పోల్చుకుంటే ఎగుమతుల్లో 70 శాతం వృద్ది పెరిగింది.

మారుతి ఆల్టో లోని 800 వేరియంట్ 796 సీసీ సామర్థ్యం ఉన్న పెట్రోల్ అదే విధంగా ఆల్టో కె10 998సీసీ సామర్థ్యం ఉన్న పెట్రోల్ ఇంజన్‌తో అందుబాటులో ఉంది.

వోక్స్‌వ్యాగన్ వెంటో

ప్రపంచాన్నే కుదిపేసిన డీజల్ ఉద్గాల పరీక్షల కుంభకోణం అనంతరం కూడా వోక్స్‌వ్యాగన్ భారీగా తమ కార్ల అమ్మకాలు జరిపింది. జర్మనీకి చెందిన వోక్స్‌వ్యాగన్ గత ఐదు సంవత్సరాల నుండి తమ ఉత్పత్తులను ఇండియా నుండి ఇతర అంతర్జాతీయ మార్కెట్‌లకు ఎగుమతి చేస్తోంది.

గడిచిన 2016 ఆర్థిక సంవత్సరంలో వోక్స్‌వ్యాగన్ సుమారుగా63,157 యూనిట్ల వెంటో కార్లను ఎగుమతి చేసింది. వెంటో సెడాన్‌వో ప్రస్తుతం 1.2-లీటర్ మరియు 1.6-లీటర్ పెట్రోల్ అదే విధంగా 1.5-లీటర్ సామర్థ్యం ఉన్న డీజల్ ఇంజన్‌లలో లభిస్తోంది.

నిస్సాన్ మైక్రా

నిస్సాన్ సంస్థ ఫ్రెంచ్‍‌కు చెందిన రెనోతో చేతులు కలిపి కొన్ని బడ్జెట్ ఉత్పత్తులను అందుబాటులోకి తెచ్చింది. అందులో మైక్రా హ్యాచ్‌బ్యాక్ ఒకటి. కాని దేశీయంగా ఆశించిన స్థాయిలో ఫలితాలను సాధించలేదు, అయినప్పటికీ అంతర్జాతీయంగా మంచి అమ్మకాలను సాధిస్తోంది. నిస్సాన్ గడిచిన 2016 ఆర్థిక సంవత్సరంలో సుమారుగా 75,456 యూనిట్ల మైక్రా కార్లను ఎగుమతి చేసింది. నిస్సాన్ ఈ మైక్రాను సుమారుగా 100 దేశాలకు పైగా ఎగుమతి చేస్తున్నట్లు తెలిసింది.

నిస్సాన్ ఈ మైక్రా హ్యాచ్‌బ్యాక్‌ను 1.2-లీటర్ పెట్రోల్ మరియు 1.5-లీటర్ డీజల్ ఇంజన్ ఆప్షన్‌లో అందిస్తోంది.

ఫోర్డ్ ఎకోస్పోర్ట్

అంతర్జాతీయ మార్కెట్లో ఫోర్డ్ ఎకోస్పోర్ట్ గట్టి పోటీని ఎదుర్కుంటోంది, అయినప్పటికీ ఇండియా నుండి ఎగుమతి అవుతున్న వాటిలో మొదటి స్థానంలో నిలిచింది. గడిచిన 2016 ఆర్థిక సంవత్సరంలో 83,325 యూనిట్ల ఫోర్డ్ ఎకోస్పోర్ట్‌లు ఎగుమతి అయ్యాయి. అంతకు మునుపటి ఏడాదితో పోల్చుకుంటే ఎగుమతుల్లో 51 శాతం వృద్దిని సాధించింది.

ఎకోస్పోర్ట్ ఎస్‌యువిలో 1.0-లీటర్ ఎకో బూస్ట్ పెట్రోల్, 1.5-లీటర్ పెట్రోల్ మరియు 1.5-లీటర్ డీజల్ ఇంజన్‌లు కలవు.

నిజజీవితపు సుల్తాన్: బంగారపు విమానాన్ని కలిగి ఉన్న సుల్తాన్ ఆఫ్ జోహార్

ట్రాఫిక్ పోలీసులు ఆపినపుడు ఏం చేయాలి, ఎలా వ్యవహరించాలి ?