టయోటా ఇన్నోవా క్రిస్టా పెట్రోల్ వేరియంట్ పరిచయం: ధర మరియు ఫీచర్లు...

By Anil

Published: Thursday, July 7, 2016, 18:08 [IST]

దేశీయ మార్కెట్లో పెట్రోల్ కార్ల వినియోగం నానాటికీ పెరుగుతూనే ఉంది. ఎంట్రీలెవల్ కార్లతో మొదలైన పెట్రోల్ వాడకం ఇప్పుడు పెద్ద పెద్ద ఎస్‌యువిలలో కూడా మొదలైంది. అందుకు నిదర్శనం టయోటా మోటార్స్ తాజాగా ఇండియన్ మార్కెట్లోకి విడుదల చేసిన ఇన్నోటా క్రిస్టా. ఇది విడుదలైన అతి తక్కువ కాలంలోనే ఊహించని రీతిలో ప్రజాదరణ పొందింది. దీనిని దృష్టిలో ఉంచుకుని టయోటా ఈ క్రిస్టాను పెట్రోల్‌ను వేరియంట్లో తీసుకువస్తోంది.

టయోటా ఇన్నోవా క్రిస్టా పెట్రోల్ వేరియంట్ ఫీచర్లు, ధర మరియు ఇతర వివరాలు విడుదలయ్యాయి, వాటి గురించి క్రింది కథనంలో...

దేశ వ్యాప్తంగా విపరీతమైన డిమాండ్‌ను పొందుతున్న టయోటా వారి ఇన్నోవా క్రిస్టా డీజల్ వేరియంట్ మాత్రం దేశ రాజధాని ఢిల్లీ మరియు దాని పరిధిలో అమ్మకాలకు నోచుకోలేకపోతోంది. కారణం. ఇక్కడ 2,000 సీసీ కన్నా ఎక్కువ సామర్థ్యం ఉన్న డీజల్ వాహనాల రిజిస్ట్రేషన్‌లను రద్దు చేశారు.

ఎలాగైనా ఢిల్లీలో కూడా ఇన్నోవా క్రిస్టా జెండాను పాతడానికి తెగ ప్రయత్నాలు చేస్తోంది ఇన్నోవా. అందులో భాగంగానే ఢిల్లీని దృష్టిలో ఉంచుకుని ఇన్నోవా క్రిస్టాను పెట్రోల్ వేరియంట్‌లో అభివృద్ది చేస్తోంది.

టయోటా తమ ఇన్నోవా క్రిస్టా పెట్రోల్ వేరియంట్‌ను జూలై 18, 2016 నుండి ఉత్పత్తి చేయనున్నారు మరియు ఆగష్టు మధ్య భాగానికి వినియోగదారులకు దీనిని డెలివరీ ఇవ్వనున్నారు.

టయోటా ఇన్నోవా క్రిస్టా పెట్రోల్ వేరియంట్ కోసం దేశ వ్యాప్తంగా ఉన్న అన్ని టయోటా షోరూమ్‌లలో డీలర్ల వద్ద బుకింగ్స్ ప్రారంభించబడ్డాయి. దీనిని లక్షల రుపాయలు బుకింగ్ అమౌంట్‌గా చెల్లించి బుక్ చేసుకోవచ్చు.