టిగువాన్, బిఎమ్‌డబ్ల్యూ ఎక్స్‌1 మరియు జీప్ రెనిగేడ్‌లకు 5-స్టార్ రేటింగ్

మూడు చిన్న లగ్జరీ ఎస్‌యువిలకు ఎన్‌సిఎపి నిర్వహించిన భద్రత పరీక్షల్లో ఐదుకు గాను ఐదు స్టార్ల రేటింగ్ పొంది ఆశ్చర్యపరిచాయి.

ఎన్‍సిఎపి వారు బిఎమ్‌డబ్ల్యూ ఎక్స్1 కు నిర్వహించిన భద్రత పరీక్షల్లో పెద్దలకు గాను 90 శాతం మరియు పిల్లలకు గాను 87 శాతం మరియు మరింత ఆకట్టుకునే విధంగా 74 శాతం పాదచారుల రక్షణ రేటింగ్‌ను పొందింది.

ఇందులోని అన్ని ఫ్రంట్ వీల్ డ్రైవ్ మరియు ఆల్ వీల్ డ్రైవ్ సిస్టమ్ గల వేరియంట్లు 5-స్టార్ రేటింగ్ పొందారు. అన్ని వేరియంట్లలో డ్యూయల్ ఫ్రంట్, సైడ్ చెస్ట్ మరియు సైడ్ కర్టెన్ ఎయిర్ బ్యాగులు కలవు. ప్రమాదం జరగడానికి ముందుగానే ప్రమాదాన్న అరికట్టడానికి అటానమస్ ఎమర్జెన్సీ బ్రేకింగ్ సిస్టమ్ కలదు.

జీప్ సంస్థకు చెందిన చిన్న ఎస్‌యువికి యురో ఎన్‌సిఎపి వారిచే భద్రత పరీక్షలు నిర్వహించారు. యురో ఎన్‌సిఎపి వారి డాటాను పరిశీలించిన అనంతరం ఎన్‌సిఎపి పరిశీలించింది. మొత్తం మీద రెనిగేడ్ ఎస్‌యువి 37 కి గాను 36.41 శాతం మార్కులు సాధించింది.

మూడవ ఎస్‌యువి వోక్స్‌వ్యాగన్ వారి టిగువాన్, సరికొత్త భద్రత నిమిత్తం పరీక్షించారు. ఈ ఎస్‌యువి పెద్దల భద్రత పరంగా 96 శాతం, చిన్న పిల్లల భద్రత పరంగా 84 శాతం మార్కులు సాధించింది.

పాదచారుల భద్రత పరంగా వోక్స్‌వ్యాగన్ టిగువాన్ ఎస్‌యువి 62 శాతం స్కోర్ సాధించింది. ఫోర్ వీల్ డ్రైవ్ సిస్టమ్ గల వేరియంట్లను వాటికి అనుగుణంగా ఉన్న ప్రమాణాలను అనుసరిస్తూ భద్రత పరీక్షలు నిర్వహించారు.

ప్రస్తుతం భద్రత పరీక్షలు నిర్వహించబడిన అన్ని ఉత్పత్తులు కూడా ఆస్ట్రేలియన్ మార్కెట్ కోసం సిద్దమవుతున్నట్లు తెలిసింది.

ఏఎన్‌సిఎపి ముఖ్య కార్య నిర్వహణాధికారి జేమ్స్ గుడ్‌విన్ మాట్లాడుతూ, ప్రత్యేకించి జీప్ రెనిగేడ్ గురించి స్పందించారు. ఇది డిజైన్ స్ట్రక్చర్ పరంగా ఢీ పరీక్షల్లో మంచి పనితీరును కనబరిచిందని తెలిపాడు. మరియు ఇతర ఎస్‌యువిలతో పోల్చనపుడు అత్యంత ముఖ్యమైన భద్రత ఫీచర్లు ఇందులో లేవని తెలిపాడు.

వోక్స్‌వ్యాగన్ టిగువాన్ ఎస్‌యువి గురించి మాట్లాడుతూ, వోక్స్‌వ్యాగన్ టిగువాన్‌లో హై స్పీడ్ మరియు లో స్పీడ్ అటానమస్ ఎమర్జెన్సీ బ్రేకింగ్ టెక్నాలజీ ఎంతగానో ఉపయుక్తంగా ఉంటుందని తెలిపాడు.

బిఎమ్‌డబ్ల్యూ ఎక్స్1 గురించి స్పందిస్తూ, ఇందులో కూడా అటానమస్ ఎమర్జెన్సీ బ్రేకింగ్ (AEB) సిస్టమ్ కలదు. అయితే మరో మెట్టు ఎక్కుతూ, పాదచారులను గుర్తించి వారికి అనుగుణంగా బ్రేకులు పడే సాంకేతికను పరిచయం చేసారు.

ఇండియన్ లగ్జరీ స్మాల్ ఎస్‌యువి సెగ్మెంట్లో ఈ మూడు ఎస్‌యువిలు నెమ్మదిగా కాకుండా కాస్య తొందరగా వచ్చే అవకాశాలు ఉన్నాయి. 5-స్టార్ రేటింగ్ పొంది దేశీయంగా విడుదలవుతున్న మొదటి ఎస్‌యువిలు కూడా ఇవే.

వోక్స్‌వ్యాగన్ టిగువాన్ క్రాష్ టెస్ట్ - వీడియో

జీప్ రెనిగేడ్ క్రాష్ టెస్ట్ - వీడియో

బిఎమ్‌డబ్ల్యూ ఎక్స్1 క్రాష్ టెస్ట్ - వీడియో

• క్షణ కాలంలో పాకిస్తాన్‌ను బూడిద చేయగల భారత దేశపు శక్తివంతమైన 10 యుద్ద విమానాలు