ప్రపంచంలోకెల్లా అరుదైన కారు ఇప్పుడు ఇండియాలో

ఫెరారి సంస్థ కేవలం 799 యూనిట్ల ఎఫ్12టిడిఎఫ్ కార్లను మాత్రమే ఉత్పత్తి చేసింది. భూమ్మీద అత్యంత అరుదైన కార్లలో ప్రస్తుతం ఇదీ ఒకటి. ప్రపంచంలోనే అరుదైన సూపర్ కారుగా చెప్పుకునే ఫెరారి ఎఫ్12టిడిఎఫ్ ఇప్పుడు ఇండియాకు వచ్చింది.

Recommended Video

2017 Skoda Octavia RS Launched In India | In Telugu - DriveSpark తెలుగు

ఢిల్లీలోని అంతర్జాతీయ విమానాశ్రయంలో దిగుమతి చేస్తున్నపుడు తీసిన కొన్ని ఫోటోలు ప్రఖ్యాతగాంచిన ఫేస్‌బుక్ పేజీల్లో సందడి చేస్తున్నాయి. కోట్ల రుపాయలు విలువ చేసే మరియు అరుదైన సూపర్ కారును ఇండియాకు రావడం అంటే మాటలా... అందులో కూడా దీనిని ఎవరు కొనుగోలు చేశారు అనే ఉత్కంఠ కూడా ఉంటుంది.

ప్రస్తుతానికి, ఈ కారును ఎవరు కొనుగోలు చేశాడనే విషయం తెలియరాలేదు, అయితే దీనిని ఢిల్లీ నుండి కలకత్తాకు తరలిస్తున్నట్లు తెలిసింది. అంటే కలకత్తా ఆధారిత వ్యాపారవేత్త కొనుగోలు చేసి ఉండే అకాశం ఉంది.

ఫెరారి ఎఫ్2టిడిఎఫ్ కారులో సాంకేతికంగా 6.3-లీటర్ల సామర్థ్యం గల న్యాచురల్లీ ఆస్పిరేటెడ్ వి12 పెట్రోల్ ఇంజన్ కలదు. ఇది 8,500ఆర్‌పిఎమ్ ఇంజన్ వేగం వద్ద 769బిహెచ్‌పి పవర్ మరియు 6,250ఆర్‌పిఎమ్ వద్ద 705ఎన్ఎమ్ టార్క్ ఉత్పత్తి చేస్తుంది. ఇందులో 7-స్పీడ్ డ్యూయల్ క్లచ్ గేర్‌బాక్స్ అనుసంధానం ఉంది.

ఎఫ్12టిడిఎఫ్ కేవలం 2.9 సెకండ్ల వ్యవధిలోనే గంటకు 0 నుండి 100 కిలోమీటర్ల వేగాన్ని అందుకుంటుంది, అదే విధంగా 200కిలోమీటర్ల వేగాన్ని ఐదు సెకండ్ల వ్యవధిలోనే అందుకుంటుంది. ఫెరారి ఎఫ్12టిడిఎఫ్ గరిష్ట వేగం గంటకు 340కిలోమీటర్ల వేగాన్ని అందుకుంటుంది.

డ్రైవ్‌స్పార్క్ తెలుగు అభిప్రాయం!

భారతదేశపు తొలి మెక్‌లారెన్ కారును ఇండియాలోకి దిగుమతి అయిన తరువాత, అరుదైన కారుగా ఉన్న ఫెరారి ఎఫ్12టిడిఎప్ కారు భారతదేశపు తొలిఎఫ్12టిడిఎఫ్ కారుగా విపణిలోకి దిగుమతి అయ్యింది. ఒకే వారంలో రెండు అత్యంత ఖరీదైన కార్లను దేశీయ సూపర్ కార్ల కస్టమర్లు ఎంచుకున్నారు. ఇండియన్ మార్కెట్లో సూపర్ కార్ల కొనుగోలుదారుల సంఖ్య శరవేగంగా పెరుగుతోందని చెప్పవచ్చు.