ఎండీవర్ నుండి రెండు వేరియంట్లను తొలగించిన ఫోర్డ్

గత ఏడాది ఫోర్డ్ ఎండీవర్ లోని 2.2-లీటర్ 4X2 ట్రెండ్ ట్రిమ్ వేరియంట్‌ను తొలగించింది. ఆ తరువాత ఐదు వేరియంట్లు ఉండగా, వాటిలో ఇప్పుడు రెండింటికి స్వస్తి పలికి ఆ సంఖ్యను మూడుకు తగ్గించింది.

ఎండీవర్‌లోని 2.2-లీటర్ 4X2 మ్యాన్యువల్ ట్రెండ్ మరియు 3.2-లీటర్ 4X4 ఆటోమేటిక్ ట్రెండ్ వేరియంట్లను ఫోర్డ్ తొలగించింది. వీటి తొలగింపు అనంతరం ఉన్న వేరియంట్ల వివరాలు.

• 2.2-లీటర్ 4X2 ఆటోమేటిక్ ట్రెండ్,
• 2.2-లీటర్ 4X2 ఆటోమేటిక్ టైటానియమ్,
• 3.2-లీటర్ 4X4 ఆటోమేటిక్ టైటానియమ్.



సందర్భాన్ని బట్టి మ్యాన్యువల్ ట్రాన్స్‌మిషన్ వేరియంట్లను ఎప్పటికప్పుడు లైనప్‌ నుండి తొలగించుకుంటూ రావడంతో, ఎండీవర్‌ను కేవలం ఆటోమేటిక్ గేర్‌బాక్స్ ట్రాన్స్‌మిషన్ ఆప్షన్‌లలో మాత్రమే ఎంచుకోగలం.



ఎండీవర్ లోని వేరియంట్లను తొలగిస్తూ రావడానికి గల కారణాలను పరిశీలిస్తే, ఆశించిన స్థాయిలో ఫలితాల లేకపోవడం ఇందుకు కారణం అని తెలిసింది. ఎండీవర్‌కు సరాసరి పోటీనిస్తున్న టయోటా ఫార్చ్చూనర్ నూతన ప్రణాళికలను పాటించడంతో ఎండీవర్‌ సేల్స్ తగ్గుముఖం పట్టాయి.



టయోటా ఫార్చ్యూనర్ తో ఫోర్డ్ ఎండీవర్‌ తీవ్ర పోటీని ఎదుర్కుంటోంది. ఫార్చ్యూనర్‌ను ఎదుర్కునే క్రమంలోనే డిమాండ్ లేని ఎండీవేరియంట్లను తొలగించడం జరిగింది. పెద్ద పెద్ద ఎస్‌యూవీలలో మ్యాన్యువల్ ట్రాన్స్‌మిషన్‌ను ఎంచుకునే వారే లేకపోవడం ఇక్కడ గమనించవచ్చు.