గుడ్ న్యూస్: తగ్గిన పెట్రోల్ మరియు డీజల్ ధరలు

రోజు వారీగా చేపట్టనున్న ఇంధన ధరల సవరణ నేటి నుండి ప్రారంభం కానుంది. ప్రతి రోజు మారనున్న ఇంధన ధరలను ఆ రోజు ఉదయం ఆరు గంటల నుండి అమలు తేనున్నారు. మునుపటి రోజు ధరల ఆధారంగా తరువాత రోజు ధరల్లో మార్పులు చేయనున్నారు. గతంలో మాసానికి రెండు సార్లు, మొదటి రోజు మరియు 16 వ రోజు ధరలను సవరించే వారు.

తాజాగా జరిగిన పెట్రో ధరల సవరణ అనంతరం ఢిల్లీలో లీటర్ పెట్రోల్ ధర రూ. 65.48 లు మరియు రూ. 54.49 లు గా ఉన్నాయి.

ఇండిన్ అయిల్ కార్పోరేషన్ తెలిపిన ఓ ప్రకటనలో," రోజు వారీగా పెట్రోల్ మరియు డీజల్ ధరల్లో సవరణలు జరగనున్నాయి. ఈ విధానం జూన్ 16 నుండి పూర్తి స్థాయిలో అమల్లోకి రానుంది. మునుపటి రోజు ఇంధన ధరల ఆధారంగా తరువాత రోజు ధరల్లో మార్పులు ఉండనున్నాయి. ఉదయం 6 గంటల నుండి తరువాత రోజు ఉదయం 6 గంటల వరకు వర్తించేలా ప్రతి రోజు ఇంధన ధరల్లో మార్పులు చేయనున్నట్లు" పేర్కొంది.