డబ్ల్యూఆర్-వి ప్రొడక్షన్‌ పెంచిన హోండా మోటార్స్: విపరీతంగా పెరుగుతున్న డిమాండ్

హోండా మోటార్స్ డబ్ల్యూఆర్-వి క్రాసోవర్‌ను మార్చి 2017 లో ఇండియన్ మార్కెట్లోకి విడుదల చేసింది. విడుదల సమయం నుండి ఇప్పటి వరకు డబ్ల్యూఆర్-వి మీద 23,000 బుకింగ్స్ నమోదయ్యాయి, వాటిలో ఇప్పటి వరకు 16,000 యూనిట్లను డెలివరీ ఇచ్చింది.

Recommended Video

2017 Mercedes-Benz GLC AMG 43 Coupe Launched In India | In Telugu - DriveSpark తెలుగు

విపణిలో ఉన్న మారుతి సుజుకి వితారా బ్రిజా మరియు ఫోర్డ్ ఎకో స్పోర్ట్ ఎస్‌యూవీలకు కౌంటర్‌గా డబ్ల్యూఆర్-వి ని విడుదల చేసింది. అయితే కాంపాక్ట్ ఎస్‌యూవీలో కాకుండా కాంపాక్ట్ క్రాసోవర్ ఎస్‌యూవీ సెగ్మంట్లోకి విడుదలైంది.

జూన్ విక్రయాల్లో దేశవ్యాప్తంగా సిటి సెడాన్ 5,187 యూనిట్లు అమ్ముడుపోగా, డబ్ల్యూఆర్-వి 4,243 యూనిట్ల వరకు అమ్ముడయ్యాయి. హోండా మోటార్స్‌కు ఇండియన్ మార్కెట్లో సెకండ్ బెస్ట్ సెల్లింగ్ కారుగా నిలిచింది.

హోండా ప్రస్తుతం నెలకు 3,400 యూనిట్ల వరకు డబ్ల్యూఆర్-వి లను ఉత్పత్తి చేస్తోంది. అయితే డిమాండ్ తగ్గిన సంఖ్యలో ఉత్పత్తి చేసేందుకు నెలకు 5,000 యూనిట్లకు ప్రొడక్షన్ పెంచినట్లు హోండా ప్రకటించింది.

సిటి సెడాన్ తర్వాత అత్యుత్తమ ప్రీమియమ్ ఫీచర్లు గల మోడల్ డబ్ల్యూఆర్-వి అని చెప్పవచ్చు, ఇందులో ఎలక్ట్రిక్ సన్ రూఫ్, డ్రైవర్ సైడ్ కూల్ కప్ హోల్డర్/స్మార్ట్ ఫోన్ హోల్డర్, డ్రైవర్ సైడ్ ఆర్మ్ సెట్ లతో పాటు స్టాండర్డ్ ఫీచర్లుగా డ్యూయల్ ఫ్రంట్ ఎయిర్ బ్యాగులు, యాంటిలాక్ బ్రేకింగ్ సిస్టమ్, ఎలక్ట్రానిక్ బ్రేక్ ఫోర్స్ డిస్ట్రిబ్యూషన్ వంటి సేఫ్టీ ఫీచర్లున్నాయి.

హోండా కార్స్ ఇండియా లిమిటెడ్ సేల్స్ మరియు మార్కెటింగ్ వైస్ ప్రెసిడెంట్ జ్ఞానేశ్వర్ సేన్ మాట్లాడుతూ, " డబ్ల్యూఆర్-వి మీద ప్రస్తుతం రెండు నెలలు వెయింట్ పీరియడ్ ఉంది, వెయిటింగ్ పీరియడ్ తగ్గించి, డెలివరీలను వేగవంతం చేయడానికి ప్రొడక్షన్ పెంచుతున్నట్లు పేర్కొన్నాడు."

మరో రెండు నెలలో దేశవ్యాప్తంగా పండుగ సీజన్ ప్రారంభమవుతున్న నేపథ్యంలో వెయిటింద్ పీరియడ్ తగ్గించడానికి ప్లాన్ చేస్తున్నారు. పండుగ సీజన్‌లో కార్లు మరియు బైకుల సేల్స్ విపరీతంగా పెరగనున్నాయి. ఈ నేపథ్యంలో ఇప్పుడే ప్రొడక్షన్‌ను వేగవంతం చేస్తే పండుగలు ప్రారంణభమయ్యే నాటికి డబ్ల్యూఆర్-వి సేల్స్ పెంచుకోవచ్చని జ్ఞానేశ్వర్ తెలిపారు.

హోండా ఇండియా అభివృద్ది చేసిన తొలి మోడల్ డబ్ల్యూఆర్-వి క్రాసోవర్ ఎస్‌యూవీ. హోండా ఆర్అండ్‌డి కంపెనీ లిమిటెడ్ సహాయంతో హోండా ఆర్‌అండ్‌డి ఇండియా అభివృద్ది చేసింది.

సాంకేతికంగా హోండా డబ్ల్యూఆర్-విలో పెట్రోల్ మరియు డీజల్ రెండు ఇంజన్ ఆప్షన్‌లలో లభిస్తుంది. ఇందులో 1.2-లీటర్ సామర్థ్యం గల పెట్రోల్ ఇంజన్ గరిష్టంగా 89బిహెచ్‌పి పవర్ మరియు 110ఎన్ఎమ్ టార్క్ ఉత్పత్తి చేస్తుంది. అదే విధంగా ఇందులోని 1.5-లీటర్ సామర్థ్యం ఉన్న డీజల్ ఇంజన్ 99బిహెచ్‌పి పవర్ మరియు 200ఎన్ఎమ్ టార్క్ ఉత్పత్తి చేస్తుంది.

పెట్రోల్ వేరియంట్ డబ్ల్యూఆర్-వి 5-స్పీడ్ మ్యాన్యువల్ గేర్‌బాక్స్ ఆప్షన్‌తో మరియు డీజల్ వేరియంట్ డబ్ల్యూఆర్-వి 6-స్పీడ్ మ్యాన్యువల్ ట్రాన్స్‌మిషన్ గల గేర్‌బాక్స్ అనుసంధానంతో లభిస్తోంది.

డ్రైవ్‌స్పార్క్ తెలుగు అభిప్రాయం!

డిజైన్, ఫీచర్లు మరియు భద్రత పరంగా మరియు శక్తివంతమైన ఇంజన్‌లతో బెస్ట్ క్రాసోవర్‌గా నిలిచింది. సిటి సెడాన్ తరహాలో జపాన్ దిగ్గజం హోండా మోటార్స్‌కు డబ్ల్యూఆర్-వి ఎస్‌యూవీ మరో పెద్ద సక్సెస్ అని చెప్పవచ్చు.