స్పోర్ట్స్ ఎడిషన్ ఇయాన్‌ను విడుదల చేసిన హ్యుందాయ్: ధర రూ. 3.88 లక్షలు

ఇయాన్ స్పోర్ట్స్ ఎడిషన్ వేరియంట్లు మరియు ధరలు

ఇయాన్ స్పోర్ట్స్ ఎడిషన్ ఎరా ప్లస్ మరియు మ్యాగ్నా ప్లస్ ట్రిమ్ వేరియంట్లలో లభిస్తోంది.

• ఎరా ప్లస్ స్పోర్ట్స్ ఎడిషన్ ఇయాన్ ధర రూ. 3.88 లక్షలు
• సాలిడ్ మరియు మెటాలిక్ స్పోర్ట్స్ ఎడిషన్ ఇయాన్ ధర రూ. 3.92 లక్షలు
• మ్యాగ్నా ప్లస్ వేరియంట్ ధర రూ. 4.14 లక్షలు
• సాలిడ్ మెటాలిక్ మ్యాగ్నా ప్లస్ వేరియంట్ ధర రూ. 4.18 లక్షలు
అన్ని ధరలు ఎక్స్-షోరూమ్ ఢిల్లీగా ఇవ్వబడ్డాయి.



సరికొత్త స్పోర్ట్స్ ఎడిషన్ ఇయాన్‌లో రూఫ్ రెయిల్స్ మరియు కారుకు ఇరువైపులా బాడీ మోల్డింగ్ గ్రాఫిక్స్ కలవు. ఇక కారు ఇంటీరియర్‌లో 6.2-అంగుళాల పరిమాణం ఉన్న టచ్ స్క్రీన్ ఇన్ఫోటైన్‌మెంట్ సిస్టమ్ కలదు.



ఇందులో డ్యూయల్ స్పీకర్ మ్యూజిక్ సిస్టమ్ అందివ్వడం జరిగింది. అయితే స్టీరింగ్ వీల్ ఆధారిత నియంత్రికలను డోర్ ప్యానల్స్ మీద అందివ్వడం జరిగింది. ఈ మార్పులు మినహాయిస్తే స్పోర్ట్స్ ఎడిషన్ ఇయాన్‌లో ఎటువంటి నూతన మార్పులు చోటుచేసుకోలేదు.



సాంకేతికంగా హ్యుందాయ్ మోటార్స్ వద్ద ఉన్న 0.8-లీటర్ సామర్థ్యం గల మూడు సిలిండర్ల పెట్రోల్ ఇంజన్‌ను ఇయాన్ స్పోర్ట్స్ ఎడిషన్‌లో అందివ్వడం జరిగింది.



ఇందులోని శక్తివంతమైన ఇంజన్ గరిష్టంగా 55బిహెచ్‌పి పవర్ మరియు 75ఎన్ఎమ్ టార్క్ ఉత్పత్తి చేయును. అయితే దీనిని కేవలం 5-స్పీడ్ మ్యాన్యువల్ ట్రాన్స్‌మిషన్ వేరియంట్లో మాత్రమే ఎంచుకోగలరు.



మారుతి సుజుకి ఆల్టో800 మరియు రెనో క్విడ్ ల నుండి ఎదురవుతున్న పోటీని దృష్టిలో ఉంచుకుని హ్యుందాయ్ మోటార్స్ తమ ఇయాన్ హ్యాచ్‌బ్యాక్‌ను స్పోర్ట్స్ ఎడిషన్‌లో విడుదల చేసింది.