మరింత చౌకగా మారుతి ఆల్టో: తగ్గిన ధర వివరాలు

భారత దేశపు బెస్ట్ సెల్లింగ్ కారు ఆల్టో లోని వివిధ వేరియంట్ల మీద రూ. 2,300 నుండి 5,400 వరకు ధర తగ్గించింది. గతంలో వ్యాట్ అమలయ్యేది, దీని స్థానంలోకి ఇప్పుడు ఏకీకృత ట్యాక్స్ జిఎస్‌టి వచ్చింది. నూతన ధరలు తగ్గింపు వివిధ రాష్ట్రాల వారీగా మార్పులు జరిగే అవకాశం ఉంటుంది.

మారుతి సుజుకి మేనేజింగ్ డైరక్టర్ మరియు సిఇఒ కెనిచి అయుకవా మాట్లాడుతూ, భారత ప్రభుత్వం నూతన ట్యాక్స్ విధానాన్ని విజయవంతంగా అమలు చేయడం పట్ల అభినందనలు తెలిపాడు. జిఎస్‌టి అమలుతో దేశీయంగా వాహనా రంగాన్ని మరింత పటిష్టపరిచారని వెల్లడించాడు."

అంతే కాకుండా, " దేశ ఆర్థిక వృద్ది మరియు అభివృద్ది కోసం అనేక సంక్లిష్ట సమస్యలను పరిష్కరించుకుని అనేక మంది నిపుణులు ఒక కొత్త ట్యాక్స్ విధానాన్ని రూపొందించడాన్ని భారత దేశం యొక్క నిబద్దతకు ఒక శక్తివంతమైన ఉదాహరణగా అభివర్ణించాడు.'

సామాన్యులు ఎంచుకునే కారు ఇప్పుడు మరింత చౌకగా లభిస్తోంది. మారుతి ఆల్టో 800సీసీ మరియు 1,000సీసీ సామర్థ్యం ఉన్న పెట్రోల్ ఇంజన్ వేరియంట్లలో లభిస్తోంది. 5-స్పీడ్ మ్యాన్యువల్ ట్రాన్స్‌మిషన్ గల 800సీసీ ఆల్టో 47.3బిహెచ్‌పి పవర్ మరియు 69ఎన్ఎమ్ టార్క్ ఉత్పత్తి చేయగలదు.

1,000సీసీ సామర్థ్యం గల ఆల్టో కె10 67బిహెచ్‌పి పవర్ మరియు 90ఎన్ఎమ్ టార్క్ ఉత్పత్తి చేయును. అయితే ఇందులో ఆటోగేర్‌షిప్ట్ ట్రాన్స్‌మిషన్(ఆటోమేటిక్ గేర్‌బాక్స్) అనుసంధానం కలదు.

డ్రైవ్‌స్పార్క్ తెలుగు అభిప్రాయం!

నూతన ట్యాక్స్ విధానంతో చిన్న కార్ల ధరలన్నీ తగ్గుముఖం పడుతున్నాయి. ఇది ఇటు కార్ల తయారీ సంస్థలకు మరియు కొనుగోలుదారులకు లాభదాయకంగా మారింది. భవిష్యత్తులో చిన్న కార్ల కొనుగోళ్లు విపరీతంగా పెరగనున్నాయని చెప్పవచ్చు.