మారుతి ఆల్టో 800 ఉత్సవ్ ఎడిషన్ విడుదల

ఆల్టో 800 లోని ఎల్ఎక్స్ఐ మరియు విఎక్స్ఐ వేరియంట్ల ఆధారంగా ఉత్సవ్ ఎడిషన్‌లో హ్యాచ్‌బ్యాక్‌ను లాంచ్ చేసింది. ఆల్టో ఉత్సవ్ ఎడిషన్‌లో సరికొత్త బాడీ గ్రాఫిక్స్, సైడ్ ప్రొఫైల్, అవుట్ సైడ్ రియర్ వ్యూవ్ మిర్రర్స్ కవర్ గార్నిష్, డీరో సీల్ గార్డ్ మరియు ఇతర యాక్ససరీలను అందించారు.

ఆల్టో 800 ఇంటీరియర్‌లో ఉత్సవ్ ఎడిషన్ సీట్ కవర్లు ఉన్నాయి. లిమిటెడ్ ఎడిషన్ మోడల్ ఆల్టో కారులో భద్రత పరంగా అదనంగా రివర్స్ పార్కింగ్ సెన్సార్లను అందించింది. రూ. 3.54 లక్షల ఎక్స్-షోరూమ్ ప్రారంభ ధరతో ఎంచుకోవచ్చు.

సాంకేతికంగా ఇందులో ఎలాంటి మార్పులు చోటు చేసుకోలేదు. ఆల్టో 800 ఉత్సవ్ ఎడిషన్‌లో 796సీసీ సామర్థ్యం గల మూడు సిలిండర్ల పెట్రోల్ ఇంజన్ కలదు. 5-స్పీడ్ మ్యాన్యువల్ ట్రాన్స్‌మిషన్ గేర్‌బాక్స్ అనుసంధానం గల ఇది 47.3బిహెచ్‌పి పవర్ మరియు 69ఎన్ఎమ్ టార్క్ ఉత్పత్తి చేస్తుంది.

విఎక్స్ఐ ఆల్టో 800 వేరియంట్ మీద రిమోట్ కీలెస్ ఎంట్రీ, రియర్ డోర్ చైల్డ్ లాక్ మరియు సెంట్రల్ డోర్ లాకింగ్ వంటి ఫీచర్లు ఉన్నాయి. డ్రైవర్ సైడ్ ఎయిర్ బ్యాగుని ఆప్షనల్‌గా అందించారు. స్టాండర్డ్ వేరియంట్ కన్నా ఆల్టో800 ఉత్సవ్ ఎడిషన్ ధర రూ. 20,000 లు మాత్రమే అధికం.

డ్రైవ్‌స్పార్క్ తెలుగు అభిప్రాయం!

మారుతి సుజుకి ఆల్టో 800 కారును పండుగ సీజన్ నేపథ్యంలో ఉత్సవ్ ఎడిషన్‌లో విడుదల చేసింది. ప్రస్తుతం ఎంట్రీ లెవల్ హ్యాచ్‌బ్యాక్ కార్ల సెగ్మెంట్లో ఉన్న క్విడ్, ఇయాన్ మరియు డాట్సన్ రెడి గో కార్లకు గట్టి పోటీనివ్వనుంది.