2017 హ్యుందాయ్ ఎలైట్ ఐ20 విడుదల:ధర, ఇంజన్, మైలేజ్, ఫీచర్లు, స్పెసిఫికేషన్లు

హ్యుందాయ్ తమ అప్‌డేటెడ్ 2017 ఎలైట్ ఐ20 లో నూతన భద్రత ఫీచర్లు, స్టైలింగ్ పరమైన ఫీచర్ల జోడింపుతో ప్రీమియమ్ హ్యాచ్‌‌బ్యాక్ సెగ్మెంట్లో ఫస్ట్ ఇన్ క్లాస్ ఫీచర్లు అందివ్వడం జరిగింది.

2017 ఎలైట్ ఐ20 ను రెండు విభిన్నమైన డ్యూయల్ టోన్ బాడీ కలర్ ఆప్షన్‌లలో ఎంచుకోవచ్చు. అవి, రెడ్ ప్యాసన్ బాడీ కలర్ మరియు ఫాంటమ్ బ్లాక్ రూఫ్ అదే విధంగా పోలార్ వైట్ బాడీ కలర్ మరియు ఫాంటమ్ బ్లాక్ రూఫ్ తో లభించును.

మొట్టమొదటి సారిగా తమ ఎలైట్ ఐ20 ఇంటీరియర్‌లో డ్యూయల్ టోన్ కలర్ ఆప్షన్ కలదు. బ్లాక్ ఇంటీరియర్ మరియు అక్కడక్క ఆరేంజ్ కలర్ మెరుగులు కలవు. డ్యూయల్ టోన్ ఆప్షన్ వేరియంట్ ఆస్టా ట్రిమ్‌లో మాత్రమే లభించును.

ప్రస్తుతం ఉన్న మారుతి వారి ప్రీయమిమ్ హ్యాచ్‌బ్యాక్ బాలెనోను అత్యధికంగా విక్రయిస్తోంది ప్రీమియమ్ అర్బన్ బ్లూ షేడ్ కలదు. ఈ సెగ్మెంట్లో బాలెనోను ఎదుర్కునేందుకు మెరైన్ బ్లూ కలర్‌ను కూడా సరికొత్త ఐ20 లో పరిచయం చేయడం జరిగింది.

సరికొత్త 2017 ఎలైట్ ఐ20 కారులో అధునాతన 7-అంగుళాల పరిమాణం గల టచ్ స్క్రీన్ ఏవిఎన్ సిస్టమ్(ప్రస్తుతం ఐ20 ఆస్టాలో లభిస్తున్నది), ఈ సిస్టమ్ ఆపిల్ కార్ ప్లే, ఆండ్రాయిడ్ ఆటో మరియు మిర్రర్ లింక్ కనెక్టివిటి వంటి సపోర్ట్ చేస్తుంది.

హ్యుందాయ్ మోటార్స్ భద్రత దృష్ట్యా సరికొత్త ఎలైట్ ఐ20లో ఆరు ఎయిర్ బ్యాగులను అందించింది. అవి, డ్రైవర్, కో-ప్యాసింజర్, మరియు సైడ్ కర్టన్ ఎయిర్ బ్యాగులు.

ఇంజన్ విషయానికి వస్తే, హ్యుందాయ్ ఇంజన్ లైనప్‌లో ఉన్న 5-స్పీడ్ మ్యాన్యువల్ ట్రాన్స్‌మిషన్ గల 1.2-లీటర్ కప్పా డ్యూయల్ విటివిటి పెట్రోల్ ఇంజన్, 4-స్పీడ్ ఆటోమేటిక్ ట్రాన్స్‌మిషన్ అనుసంధానిత 1.4-లీటర్ డ్యూయల్ విటివిటి పెట్రోల్ ఇంజన్ కలదు.

అదే విధంగా 1.4-లీటర్ సామర్థ్యం ఉన్న యు2 సిఆర్‌డిఐ డీజల్ ఇంజన్ కలదు. ఇందులో 6-స్పీడ్ మ్యాన్యువల్ ట్రాన్స్‌మిషన్‌ను హ్యుందాయ్ ఆఫర్ చేస్తోంది.

సరికొత్త 2017 ఎలైట్ ఐ20 విడుదల సందర్భంగా హ్యుందాయ్ మోటార్ ఇండియా ప్రైవేట్ లిమిటెడ్ మేనేజింగ్ డైరెక్టర్ మరియు ముఖ్య కార్యనిర్వహణ అధికారి వైకె కూ మాట్లాడుతూ, ప్రపంచ వ్యాప్తంగా విజయవంతమైన ఎలైట్ ఐ20 ను విడుదల చేసిన 2014 నుండి ఇప్పటి వరకు సుమారుగా 3,00,000 యూనిట్లకు పైగా విక్రయించినట్లి తెలిపాడు.

డ్యూయల్ టోన్ ఇంటీరియర్ మరియు ఎక్టీరియర్, ఫస్ట్ ఇన్ సెగ్మెంట్ ఫీచర్లు, అదనపు భద్రత ఫీచర్ల జోడింపుతో మరింత కస్టమర్లను చేరుకుంటామని తెలిపాడు.

హ్యుందాయ్ మోటార్స్ దేశీయ విపణిలో ఒక్కో నెలకు సుమారుగా 9,000 నుండి 10,000 యూనిట్ల మధ్య విక్రయాలు చేపడుతోంది. హ్యుందాయ్ మోటార్స్‌కు రెండవ బెస్ట్ సెల్లింగ్ కారుగా ఎలైట్ ఐ20 రెండవ స్థానంలో నిలిచింది.

ప్రస్తుతం ఇండియన్ ప్రీమియమ్ సెగ్మెంట్లో అగ్రభాగంలో ఉన్న మారుతి సుజుకి బాలోనోతో ఎలైట్ ఐ20 పోటీపడుతోంది.